News Continuous Bureau | Mumbai
બોલિવૂડના બાદશાહ શાહરૂખ ખાનના ચાહકો આખો સમય તેમના ઘરની બહાર ઉભા જોવા મળે છે. પરંતુ આ વખતે 2 લોકો દિવાલ કૂદીને શાહરૂખ ખાનના ઘરમાં ઘૂસ્યા હતા. જોકે, સમય જતાં પોલીસે બંને અજાણ્યા લોકોને પકડીને પૂછપરછ હાથ ધરી છે. મળતી માહિતી મુજબ, શાહરૂખ ખાનની ‘મન્નત’માં એન્ટ્રી કર્યા બાદ આ બંને લોકો બંગલાના ત્રીજા માળે પણ પહોંચી ગયા હતા. ત્યારબાદ સુરક્ષાકર્મીઓની નજર બંને પર પડી અને તેઓ ઝડપાઈ ગયા. જે બાદ બંને યુવકોને પોલીસને હવાલે કરવામાં આવ્યા હતા.
પોલીસે કરી પુછપરછ
પોલીસ પૂછપરછમાં જાણવા મળ્યું છે કે બંને યુવકો ગુજરાતના સુરતથી આવ્યા છે અને તેઓ શાહરૂખ ખાનના ચાહક છે. યુવકની ઉંમર 20 થી 25 વર્ષની વચ્ચે છે, બંનેએ જણાવ્યું કે તેઓ શાહરૂખ ખાનને મળવા માંગતા હતા. પોલીસ આ મામલે તપાસ કરી રહી છે. મીડિયા રિપોર્ટ મુજબ, જ્યારે આ બંને યુવકો મન્નત સ્થિત શાહરૂખ ખાનના ઘરમાં પ્રવેશ્યા ત્યારે અભિનેતા ઘરે નહોતો.
Two men break into Shah Rukh Khan's bungalow Mannat, police probe on
Read @ANI Story | https://t.co/76VgzQ4FMO#SRK #Mannat #ShahRukhKhan #MumbaiPolice #Pathaan pic.twitter.com/pH1CbitJfo
— ANI Digital (@ani_digital) March 2, 2023
શાહરુખ ખાને કર્યું પઠાણ ફિલ્મ થી કમબેક
શાહરૂખ ખાનની વાત કરીએ તો તે હાલમાં તેની ફિલ્મ ‘પઠાણ’ની સફળતાનો આનંદ માણી રહ્યો છે. આ ફિલ્મે દુનિયાભરમાં 1000 કરોડથી વધુનો બિઝનેસ કર્યો છે.આ ફિલ્મ દ્વારા શાહરૂખ ખાને 4 વર્ષ બાદ મોટા પડદા પર કમબેક કર્યું છે. ચાહકોને આ ફિલ્મમાં શાહરૂખ ખાનનો એકદમ અલગ અવતાર જોવા મળ્યો હતો.
