News Continuous Bureau | Mumbai
Dunki OTT: શાહરુખ ખાન ની ફિલ્મ જવાન બોક્સ ઓફિસ પર ધૂમ મચાવી રહી છે. દરેક જગ્યા એ બસ જવાન ની જ ચર્ચા ચાલી રહી છે.’જવાન’ રૂ. 500 કરોડની ક્લબમાં સામેલ થઈ ગઈ છે, જ્યારે વિશ્વભરમાં કલેક્શન રૂ. 1000 કરોડની નજીક પહોંચી ગયું છે. હવે દર્શકો શાહરૂખની ફિલ્મ ડંકી ની આતુરતા થી રાહ જોઈ રહ્યા છે. ફિલ્મની થિયેટરમાં રિલીઝ પહેલા જ તેના OTT રાઇટ્સ વિશે સમાચારો સામે આવી રહ્યા છે. ડંકી ના OTT રાઇટ્સ ની કિંમત સાંભળીને તમારી પણ આંખો પહોળી થઇ જશે. .
ડંકી ના ઓટીટી રાઇટ્સ
શાહરુખ ખાન ની ફિલ્મ ડંકી રિલીઝ પહેલા જ ટોક ઓફ ધ ટાઉન બની ગઈ છે. તેનું કારણ તેના OTT અધિકારો છે. શાહરૂખ ખાનની ફિલ્મ તેના OTT અધિકારોના સમાચારને કારણે રિલીઝ પહેલા જ ઘણી હેડલાઇન્સ બનાવી રહી છે. જો મીડિયા રિપોર્ટ્સનું માનીએ તો ડંકીના ઓટીટી રાઇટ્સ જિયો સિનેમા એ ખરીદી લીધા છે. આ માટે તેણે મોટી રકમ પણ ચૂકવી છે. શાહરૂખ ખાનની ડંકી નાં રાઇટ્સ લગભગ 155 કરોડ રૂપિયામાં ખરીદવામાં આવ્યા છે. રિપોર્ટ્સ અનુસાર, ડંકી ના સેટેલાઇટ અને ડિજિટલ બંને રાઇટ્સ 230 કરોડ રૂપિયામાં વેચાયા છે.
આ સમાચાર પણ વાંચો: Anil kapoor: અનિલ કપૂર ની આ વસ્તુ નો ઉપયોગ કરતા પહેલા લેવી પડશે પરવાનગી, દિલ્હી હાઇકોર્ટે આપ્યો અભિનેતા ના હક માં ચુકાદો
શાહરુખ ખાન ની ફિલ્મ ડંકી
‘ડંકી’ એ એક સ્થળાંતરિત માણસની વાર્તા છે.આ ફિલ્મ થી શાહરૂખ ખાન પહેલીવાર રાજકુમાર હિરાની સાથે કામ કરી રહ્યો છે. રાજકુમાર હિરાનીએ પોતાની કારકિર્દીમાં એક પણ ફ્લોપ ફિલ્મ આપી નથી. શાહરૂખ અને રાજુની જોડી પણ ઈતિહાસ રચવા તૈયાર છે. ડંકીમાં શાહરૂખ ખાન સાથે તાપસી પન્નુ અને વિકી કૌશલ પણ જોવા મળશે. જોકે, ફિલ્મની સત્તાવાર રિલીઝ ડેટ હજુ જાહેર કરવામાં આવી નથી.
