News Continuous Bureau | Mumbai
શાહરૂખ ખાન અને દીપિકા પાદુકોણ અને જોન અબ્રાહમ સ્ટારર ફિલ્મ ‘પઠાણ’ બોક્સ ઓફિસ પર ધૂમ મચાવી રહી છે. ફિલ્મમાં શાહરૂખ ખાનના જબરદસ્ત એક્શન સીન્સે ચાહકોને સીટી મારવા મજબૂર કરી દીધા હતા. દેશભરમાં રિલીઝ થવાની સાથે ‘પઠાણ’ રોજેરોજ અનેક રેકોર્ડ બનાવી રહી છે. પઠાણે કાશ્મીરમાં એવો ચમત્કાર કરી બતાવ્યો કે ઘાટીના લોકો 32 વર્ષથી રાહ જોઈ રહ્યા હતા.પઠાણની સાથે 32 વર્ષ પછી કાશ્મીર ઘાટીના સિનેમાઘરોમાં હાઉસફુલ ના પાટિયા જોવા મળ્યા હતા. દેશની પ્રખ્યાત મલ્ટિપ્લેક્સ ચેન INOX Leisure Ltd એ ટ્વિટ કરીને આ વિશે માહિતી આપી છે. આના જવાબમાં શાહરૂખ ખાને ધન્યવાદ કહ્યું છે.
INOXએ ટ્વીટ કરી આપી માહિતી
INOXએ તેના સત્તાવાર ટ્વિટર હેન્ડલ પરથી ટ્વીટ કરીને આ જાણકારી આપી છે. ટ્વીટમાં લખ્યું છે- ‘આજે સમગ્ર દેશમાં પઠાણને લઈને ક્રેઝ છે. 32 વર્ષ બાદ કાશ્મીર ઘાટી માં હાઉસફુલ સાઈન પરત લાવવા બદલ અમે કિંગ ખાનના આભારી છીએ. શાહરૂખ ખાનનો આભાર.’
Today, with #Pathaan frenzy gripping the nation, we are grateful to KING KHAN for bringing the treasured #HOUSEFULL sign back to the Kashmir Valley after 32 long years! Thank you #ShahRukhKhan𓀠 @iamsrk @thejohnabraham @deepikapadukone @YRF @PathaanTheFilm #YRF50 pic.twitter.com/bkOvyjMrOh
— INOX Leisure Ltd. (@INOXMovies) January 26, 2023
આ મામલે રેકોર્ડ બનાવી રહી છે પઠાણ
શાહરૂખ ખાનની ફિલ્મ પઠાણે કમાણીના મામલે ઘણા રેકોર્ડ તોડ્યા છે. પઠાણ પહેલા દિવસે સૌથી વધુ કમાણી કરનારી ફિલ્મ બની ગઈ છે. આ સાથે ‘પઠાણ’ એવી પહેલી ફિલ્મ છે જે બુધવારે રિલીઝ થઈ છે. આ સિવાય ફિલ્મે ભારતમાં સૌથી વધુ સિનેમાઘરોમાં રિલીઝ થવાનો રેકોર્ડ પણ બનાવ્યો છે. જોકે રિલીઝ પહેલા ગીત બેશરમ રંગને લઈને વિવાદ થયો હતો.આ વિવાદોની વચ્ચે શાહરુખ ખાન ની ફિલ્મ ‘પઠાણ’ જબરદસ્ત કમાણી કરી રહી છે.
