News Continuous Bureau | Mumbai
યુવા ભારતીય બેટ્સમેન શુભમન ગિલ અત્યારે ક્રિકેટ જગતના ઉભરતા ખેલાડીઓ માંનો એક છે. આ સાથે જ ફિલ્મી દુનિયામાં પણ આ બેટ્સમેનની ખૂબ ચર્ચા થઈ રહી છે. સચિન તેંડુલકરની પુત્રી સારા તેંડુલકર બાદ શુભમન ગિલ બોલિવૂડ અભિનેત્રી સારા અલી ખાન સાથે જોવા મળ્યો હતો. ત્યારબાદ ગિલનું નામ પંજાબી અભિનેત્રી સોનમ બાજવા સાથે પણ જોડવામાં આવ્યું હતું.દરમિયાન, સોશિયલ મીડિયા પર આવા ઘણા અહેવાલો વાયરલ થઈ રહ્યા છે, જેમાં દાવો કરવામાં આવી રહ્યો છે કે શુભમન ગીલે સાઉથની પ્રખ્યાત અભિનેત્રી રશ્મિકા મંદન્નાને પોતાનો ક્રશ જાહેર કર્યો છે. આ સમાચાર સામે આવતાની સાથે જ શુભમને પણ સોશિયલ મીડિયા પોસ્ટ પર કમેન્ટ કરતા પોતાની પ્રતિક્રિયા આપી છે.
શુભમન ગીલે આપી પ્રતિક્રિયા
વાસ્તવમાં, સોશિયલ મીડિયા પર વાયરલ સમાચારમાં દાવો કરવામાં આવી રહ્યો હતો કે શુભમન ગિલે પોતે એક ઇન્ટરવ્યુમાં કબૂલ્યું હતું કે તેને રશ્મિકા મંદન્ના પર ક્રશ છે. જોકે, ગિલે પોતાનું મૌન તોડીને આ અહેવાલો પર પ્રતિક્રિયા આપી છે. વાઈરલ ઈન્સ્ટાગ્રામ પોસ્ટ પર ટિપ્પણી કરતા શુભમન ગિલે લખ્યું કે, આ કઈ મીડિયા ઈન્ટરએક્શન હતી, જેના વિશે હું પોતે જાણતો નથી. ગિલની ટિપ્પણીથી સ્પષ્ટ છે કે આ અહેવાલોમાં કોઈ સત્ય નથી અને તે માત્ર અફવા છે.જણાવી દઈએ કે શુભમન ગિલનું નામ બોલિવૂડ સાથે ભૂતકાળમાં ઘણી વખત જોડાઈ ચૂક્યું છે. શુભમન ગિલ અને બોલિવૂડ એક્ટ્રેસ સારા અલી ખાન ઘણી વખત સાથે સમય વિતાવતા કેમેરામાં કેદ થયા છે. તે જ સમયે, શુભમનનું નામ મહાન બેટ્સમેન સચિન તેંડુલકરની પુત્રી સારા તેંડુલકર સાથે પણ જોડાઈ ચૂક્યું છે.
રશ્મિકા તરફથી કોઈ પ્રતિક્રિયા નથી આવી
જોકે, અત્યાર સુધી ખુદ રશ્મિકા મંદન્ના એ આ અફવાઓ પર કોઈ પ્રતિક્રિયા આપી નથી. આ પહેલા અભિનેત્રી સોનમ બાવેજાએ સારા સાથેના તેના સંબંધોની અફવાઓને વેગ આપ્યો હતો અને શુભમન ગિલ સાથેના તેના જોડાણના સમાચારોને ખોટા ગણાવ્યા હતા. ડેટિંગના સમાચાર પર પ્રતિક્રિયા આપતા અભિનેત્રીએ લખ્યું કે ‘યે સારા કા સારા જૂઠ હૈ’.
