News Continuous Bureau | Mumbai
Special Ops 2: ‘સ્પેશિયલ ઓપ્સ 2’ સિરીઝ મૂળરૂપે 11 જુલાઈએ રિલીઝ થવાની હતી, પરંતુ હવે તેની તારીખ આગળ વધી ગઈ છે. આ અંગે અભિનેતા કેકે મેનન, જે આ સિરીઝમાં મુખ્ય ભૂમિકા ભજવે છે, તેમણે એક વીડિયો શેર કરીને માહિતી આપી છે. તાજેતરમાં, તેમણે પોતાના ઇન્સ્ટાગ્રામ પેજ પર એક વીડિયો શેર કર્યો, જેમાં તેમણે જણાવ્યું કે નિર્ધારિત તારીખે ‘સ્પેશિયલ ઓપ્સ 2’ નું પ્રીમિયર થશે નહીં. હવે તેની રિલીઝની તારીખ બદલાઈ ગઈ છે. નવી તારીખ શું છે અને આ નિર્ણય શા માટે લેવામાં આવ્યો છે, તે અંગે પણ કેકે મેનને માહિતી શેર કરી છે.
આ સમાચાર પણ વાંચો : Don 3: રણવીર સિંહ જલ્દી જ શરુ કરશે ડોન 3 નું શૂટિંગ, ફિલ્મ માં હશે આ અભિનેત્રી ની સરપ્રાઈઝ એન્ટ્રી!
શું છે રિલીઝની નવી તારીખ?
કેકે મેનને ઇન્સ્ટાગ્રામ પર શેર કરેલા વીડિયોમાં જણાવ્યું છે કે, “હવે ‘સ્પેશિયલ ઓપ્સ 2’ 11 જુલાઈને બદલે 18 જુલાઈએ રિલીઝ થશે. કેટલીક વસ્તુઓ આપણા નિયંત્રણમાં નથી હોતી, તેથી આપણે આ નિર્ણય લેવો પડ્યો છે. પરંતુ દર્શકોને એકસાથે જ બધા એપિસોડ્સ જોવા મળશે.” આ સિરીઝ જિયોહોટસ્ટાર (JioCinema) પર સ્ટ્રીમ કરવામાં આવશે.
સ્પેશિયલ ઓપ્સ 2′ માં પણ સ્પેશિયલ એજન્ટ હિંમત સિંહ પોતાની ટીમ સાથે આતંકવાદીઓનો સામનો કરશે. આ વખતે હિંમત સિંહ ઇન્ટરનેશનલ લેવલનો મિશન હેન્ડલ કરશે. નીરજ પાંડે દ્વારા નિર્દેશિત આ સિરીઝમાં આ વખતે સાઉથ ના પોપ્યુલર અભિનેતા પ્રકાશ રાજ પણ જોવા મળશે. આ સિરીઝમાં ભરપૂર એક્શન અને થ્રિલ નો અનુભવ થશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
