News Continuous Bureau | Mumbai
Subedaar Movie Review: બોલિવૂડના ‘એવરગ્રીન’ અભિનેતા અનિલ કપૂરએકવાર ફરી એક્શન મોડમાં પરત ફર્યા છે. પ્રાઇમ વિડિયો પર રિલીઝ થયેલી ફિલ્મ ‘સૂબેદાર’ સંપૂર્ણપણે અનિલ કપૂરના ખભા પર ટકેલી છે. સુરેશ ત્રિવેણીના નિર્દેશનમાં બનેલી આ ફિલ્મ એક રિટાયર્ડ સૈનિકની તેના સન્માન અને પરિવાર માટેની લડાઈની વાર્તા છે. જોકે, દમદાર સ્ટાર કાસ્ટ હોવા છતાં, શું આ ફિલ્મ દર્શકોની અપેક્ષાઓ પર ખરી ઉતરે છે? ચાલો જાણીએ.
આ સમાચાર પણ વાંચો : Avika Gor Pregnancy Rumors: શું અવિકા ગોર માતા બનવાની છે? કેમેરા સામે ઉલ્ટીઓ કરતા એક્ટ્રેસનો વીડિયો થયો વાયરલ, ફેન્સ પૂછી રહ્યા છે સવાલ
શું છે ફિલ્મની વાર્તા?
ફિલ્મની વાર્તા સૂબેદાર અર્જુન મૌર્ય અનિલ કપૂર) ની આસપાસ ફરે છે, જે સરહદ પર અડધું જીવન વિતાવ્યા બાદ નિવૃત્ત થઈને ઘરે પરત ફરે છે. તે પોતાની દીકરી શ્યામા (રાધિકા મદન) સાથે રહે છે, જે તેના પિતાથી નારાજ છે કારણ કે માતાના મૃત્યુ સમયે તેઓ હાજર નહોતા. જે શહેરમાં અર્જુન રહે છે ત્યાં બબલી દીદી (મોના સિંહ) અને તેના ભાઈ પ્રિન્સ (આદિત્ય રાવલ) નું ગુંડારાજ ચાલે છે. અર્જુન જ્યારે આ ભ્રષ્ટાચાર અને ગુંડાગીરી સામે ટકરાય છે, ત્યારે શરૂ થાય છે અસલી સંઘર્ષ.
ફિલ્મની સૌથી મોટી નબળાઈ તેની સ્ક્રિપ્ટ અને ધીમી ગતિ છે. અઢી કલાકની આ ફિલ્મ શરૂઆતના ૪૦ મિનિટ સુધી ખૂબ જ ધીમી ચાલે છે. વિલનને ખૂબ જ ક્રૂર બતાવવાનો પ્રયત્ન કરાયો છે, પરંતુ તે ઘણી જગ્યાએ નિરર્થક લાગે છે. બુંદેલખંડની પૃષ્ઠભૂમિ હોવા છતાં ડાયલોગ્સમાં તે સ્થાનિક લહેકો ઓછો જોવા મળે છે. ફેસલ મલિક જેવા પ્રતિભાશાળી કલાકારનો પણ યોગ્ય ઉપયોગ કરવામાં આવ્યો નથી. ક્લાઈમેક્સ પણ દર્શકોને સંતોષ આપી શકતો નથી. જો તમે અનિલ કપૂરના મોટા ફેન હોવ અને તમને ક્રાઈમ ડ્રામા ફિલ્મો જોવી ગમતી હોય, તો તમે એકવાર આ ફિલ્મ જોઈ શકો છો. અનિલ કપૂરનો એક્શન અવતાર ચોક્કસપણે જોવા જેવો છે, પરંતુ નબળી રાઈટિંગ અને ધીમી વાર્તાને કારણે તમારે થોડી ધીરજ રાખવી પડશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
