News Continuous Bureau | Mumbai
Aarya 3 trailer: સુષ્મિતાની મોસ્ટ અવેટેડ વેબ સીરિઝ ‘આર્યા 3’ ટૂંક સમયમાં રિલીઝ થવા જઈ રહી છે. હવે આ સિરીઝનું ધમાકેદાર ટ્રેલર રિલીઝ કરવામાં આવ્યું છે. આ ટ્રેલર દ્વારા સુષ્મિતા સેને સંકેત આપ્યો છે કે સિરીઝની નવી સીઝન પહેલી બે સીઝન કરતા વધુ ખતરનાક અને પાવરફુલ હશે. આ ટ્રેલરમાં સુષ્મિતા સેનના ઘણા ચોંકાવનારા દ્રશ્યો પણ બતાવવામાં આવ્યા છે.
આર્યા 3 નું ટ્રેલર
આ ટ્રેલરમાં જોવા મળે છે કે કેવી રીતે સુષ્મિતા તેના પરિવારના કાળા અફીણના ધંધામાં ફસાઈ રહી છે. તેણીને રશિયન લોકો પાસેથી મોટી ડીલ મળી છે અને તે આ ડીલ પૂર્ણ કરવા માટે પોતાનો જીવ જોખમમાં મુકી રહી છે. આ બધા પાછળ એક જ ઉદ્દેશ્ય છે અને તે છે તેના બાળકોને સુરક્ષિત રાખવાનો. ટ્રેલરમાં ઘણા વિસ્ફોટક સંવાદો છે, જેમાંથી એક છે – ‘ક્યારેક માતાને પોતાના બાળકોની સુરક્ષા માટે રાક્ષસ બનવું પડે છે’.
આ સિઝનમાં ઘણા નવા કલાકારો જોવા મળી રહ્યા છે.આ સીઝન માં પણ સિકંદર ખેર જોવા મળી રહ્યો છે જે સુષ્મિતા સેનને તેના સિંહણ અવતારની યાદ અપાવી રહ્યો છે. આ વેબ સિરીઝ ડિઝની પ્લસ હોટસ્ટાર પર 3 નવેમ્બરે સ્ટ્રીમ થશે. આ વખતે એ બતાવવામાં આવશે કે કેવી રીતે આર્યા એ જ અફીણના વેપારને પોતાનું હથિયાર બનાવશે જેનાથી તેને નફરત હતી.
આ સમાચાર પણ વાંચો : Akshay kumar: પાન મસાલા ની જાહેરાત માં અક્ષય કુમાર ને જોયા બાદ અભિનેતા પર ફૂટ્યો લોકોનો ગુસ્સો, ખિલાડી કુમારે સ્પષ્ટીકરણ આપતા કહી આ વાત
