News Continuous Bureau | Mumbai
Teri Baaton Mein Aisa Uljha Jiya 2: બોલિવૂડની લોકપ્રિય રોબોટિક રોમેન્ટિક કોમેડી ફિલ્મ ‘તેરી બાતોં મેં ઐસા ઉલ્ઝા જિયા’ના ચાહકો માટે ખુશીના સમાચાર છે. મીડિયા રિપોર્ટ્સ અનુસાર, આ ફિલ્મના સીક્વલ પર કામ શરૂ થઈ ગયું છે. મેડૉક ફિલ્મ્સ દ્વારા આ પ્રોજેક્ટની તૈયારીઓ આરંભી દેવામાં આવી છે, જેમાં શાહિદ કપૂર અને કૃતિ સેનન ફરી એકવાર પોતાની જૂની ભૂમિકામાં જોવા મળશે. આ વખતે ફિલ્મમાં જ્હાનવી કપૂર એક સરપ્રાઈઝ એલિમેન્ટ અને મહત્વપૂર્ણ પાત્ર તરીકે જોડાશે તેવી ચર્ચા છે.
આ સમાચાર પણ વાંચો : Akshay Kumar Mahakal Temple Visit: જમાઈ અક્ષયની સફળતા માટે સાસુની પ્રાર્થના! ડિમ્પલ કાપડિયા સાથે મહાકાલના દરબારમાં પહોંચ્યા ‘ખિલાડી’, ભસ્મ આરતીમાં થયા સામેલ.
ઓગસ્ટ સુધીમાં સ્ક્રિપ્ટ તૈયાર થવાની અને ૨૦૨૭માં શૂટિંગની યોજના
મીડિયા રિપોર્ટ મુજબ, ફિલ્મની વાર્તા ત્યાંથી જ શરૂ થશે જ્યાં પ્રથમ ભાગ પૂરો થયો હતો. હાલમાં લેખન કાર્ય ચાલી રહ્યું છે અને ઓગસ્ટ ૨૦૨૬ સુધીમાં સ્ક્રિપ્ટ તૈયાર થઈ જવાની ધારણા છે. નિર્માતાઓ ૨૦૨૭ના પ્રથમ ત્રિમાસિક ગાળામાં ફિલ્મનું શૂટિંગ શરૂ કરવાનું આયોજન કરી રહ્યા છે. આ સમાચારને સમર્થન આપતા કૃતિ સેનન પણ એક ઈન્ટરવ્યુમાં જણાવ્યું હતું કે સીક્વલની સ્ક્રિપ્ટ પર કામ ચાલી રહ્યું છે અને તેઓ બંને ફરી સાથે કામ કરવા માટે ખૂબ જ ઉત્સાહિત છે.
View this post on Instagram
સીક્વલમાં સૌથી મોટો ફેરફાર કાસ્ટિંગમાં જોવા મળી રહ્યો છે. અહેવાલો મુજબ, જ્હાનવી કપૂર આ ફિલ્મમાં એક ખાસ ભૂમિકા ભજવશે જે વાર્તામાં નવો વળાંક લાવશે. જ્હાનવીની એન્ટ્રીથી ફિલ્મમાં ગ્લેમર અને ડ્રામા બંને વધવાની શક્યતા છે. પ્રથમ ભાગમાં આર્યન (શાહિદ કપૂર) અને હ્યુમનૉઇડ રોબોટ સિફ્રા (કૃતિ સેનન) વચ્ચેની અનોખી પ્રેમકથાને પ્રેક્ષકોએ ખૂબ પસંદ કરી હતી, ત્યારે બીજા ભાગમાં જ્હાનવીનું પાત્ર શું અસર કરશે તે જોવું રસપ્રદ રહેશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
