News Continuous Bureau | Mumbai
TRP Report Week 13:ટેલિવિઝન જગતનો 13મા અઠવાડિયાનો BARC TRP રિપોર્ટ જાહેર થઈ ગયો છે, જેમાં હિન્દી શો વચ્ચે જોરદાર ટક્કર જોવા મળી રહી છે. આ અઠવાડિયાના રેટિંગ્સ ઘણા ચોંકાવનારા છે. જ્યાં જૂના અને લોકપ્રિય શોની રેટિંગમાં ઘટાડો થયો છે, ત્યાં નવા શોઝે ટોપ 5 માં એન્ટ્રી કરીને ધમાલ મચાવી દીધી છે. ખાસ કરીને ‘ક્યોંકિ સાસ ભી કભી વહુ થી’ એ પોતાનું પ્રથમ સ્થાન જાળવી રાખી રેટિંગ્સમાં પોતાનું વર્ચસ્વ કાયમ રાખ્યું છે.ટીઆરપી ચાર્ટમાં આ વખતે સૌથી મોટો ઉછાળો ‘ગંગા મૈયા કી બેટિયાં’ શોમાં જોવા મળ્યો છે. આ શો ઝડપથી ઉપર ચઢીને ટોપ 2 માં સ્થાન મેળવવામાં સફળ રહ્યો છે. બીજી તરફ, ‘અનુપમા’ અને ‘યે રિશ્તા ક્યા કહેલાતા હૈ’ જેવી સિરિયલ્સને નવા શોઝ તરફથી જોરદાર પછડાટ મળી છે.
આ સમાચાર પણ વાંચો : Shakti Shalini: અનીત પડ્ડાના ફેન્સ માટે ડબલ ટ્રીટ! ‘શક્તિ શાલિની’માં જોવા મળશે અભિનેત્રીનો અત્યાર સુધીનો સૌથી ચોંકાવનારો અંદાજ
ટોપ 3 શોમાં આ સિરિયલ્સનો જલવો
- ક્યોંકિ સાસ ભી કભી બહુ થી: 1.8 રેટિંગ સાથે આ શો પ્રથમ ક્રમે છે. તુલસી વિરાણીની વાર્તા દર્શકોને હજુ પણ જકડી રાખવામાં સફળ રહી છે.
- ગંગા મૈયા કી બેટિયાં: આ અઠવાડિયે સૌથી લાંબી છલાંગ લગાવીને 1.8 રેટિંગ સાથે આ શો બીજા સ્થાને પહોંચી ગયો છે. તે પ્રથમ ક્રમથી માત્ર નજીવા અંતરે પાછળ છે.
- તુમ સે તુમ તક: 1.8 રેટિંગ સાથે આ શો ત્રીજા ક્રમે રહ્યો છે, જે દર્શાવે છે કે નવા શોઝ પ્રત્યે દર્શકોનો રસ વધી રહ્યો છે.
View this post on Instagram
રૂપાલી ગાંગુલી સ્ટારર ‘અનુપમા’ 1.7 રેટિંગ સાથે પાંચમા સ્થાને સરકી ગઈ છે, જે અગાઉ ટોપ 3 માં રહેતી હતી. તે જ રેટિંગ (1.7) સાથે ‘વસુધા’ ચોથા સ્થાને છે. સૌથી મોટો ઝટકો ‘યે રિશ્તા ક્યા કહેલાતા હૈ’ ને લાગ્યો છે, જે 1.5 રેટિંગ સાથે 7મા સ્થાને પહોંચી ગઈ છે અને ટોપ 5 માંથી બહાર થઈ ગઈ છે. મેકર્સ દ્વારા વાર્તામાં ફેરફાર અને નવી એન્ટ્રી છતાં આ શો દર્શકોને ખેંચવામાં નિષ્ફળ રહ્યો છે.રેટિંગ ચાર્ટમાં ‘ક્યોંકિ રિશ્તોં કે ભી રૂપ બદલતે હૈ’ 1.6 રેટિંગ સાથે છઠ્ઠા ક્રમે છે. 8મા સ્થાને ‘ઉડને કી આશા’ અને 9મા સ્થાને ‘નાગિન 7’ છે. કોમેડી શો ‘લાફ્ટર શેફ્સ અનલિમિટેડ એન્ટરટેઈનમેન્ટ’ 1.4 રેટિંગ સાથે 10મા સ્થાને છે. રેટિંગના આ આંકડા દર્શાવે છે કે હવે દર્શકો ફ્રેશ કન્ટેન્ટ અને નવી વાર્તાઓને વધુ પ્રાધાન્ય આપી રહ્યા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
