News Continuous Bureau | Mumbai
Tu Meri Main Tera Movie Review: ‘તૂ મેરી મૈં તેરા’ફિલ્મની વાર્તા આગ્રાની રૂમી (અનન્યા પાંડે) અને અમેરિકામાં રહેતા રે (કાર્તિક આર્યન) ની છે. બંને ક્રોએશિયામાં વેકેશન દરમિયાન મળે છે અને પ્રેમમાં પડે છે. મુશ્કેલી ત્યારે શરૂ થાય છે જ્યારે લગ્નની વાત આવે છે. રૂમી તેના એકલવાયા ફૌજી પિતાને છોડી અમેરિકા જવા નથી માંગતી, જ્યારે રેની માતાની શરત છે કે તેને ભારતીય વહુ જ જોઈએ. માતા-પિતા પ્રત્યેની જવાબદારી અને અંગત સંબંધો વચ્ચેની આ ખેંચતાણ ૨ કલાક ૨૫ મિનિટ સુધી ખેંચાય છે, જે ઘણી જગ્યાએ કંટાળાજનક લાગે છે.
આ સમાચાર પણ વાંચો : Ananya Panday KBC 17: અમિતાભ બચ્ચનના એક શબ્દે અનન્યા પાંડેને રડાવી દીધી; જાણો શૂટિંગ દરમિયાન એવું તો શું બન્યું કે મહોલ ભાવુક થઈ ગયો?
અભિનય અને કેમિસ્ટ્રી
આ ફિલ્મમાં કાર્તિક આર્યન તેના પાત્રમાં સહજ લાગતો નથી. ઘણા સીન્સમાં તે ‘ઓવરએક્ટિંગ’ કરતો હોય તેવું જણાય છે.અનન્યાએ ગંભીર સીન્સમાં મહેનત કરી છે, પરંતુ ભાવનાત્મક દ્રશ્યોમાં તે ખૂબ જ ‘ઓવરડ્રામેટિક’ લાગે છે. આશ્ચર્યજનક રીતે, બંને મુખ્ય કલાકારો વચ્ચેની રોમેન્ટિક કેમિસ્ટ્રી સાવ ફિક્કી લાગે છે, જેના કારણે પ્રેમ કહાનીમાં જીવ પુરાતો નથી. જેકી શ્રોફ અને નીના ગુપ્તા જેવા દિગ્ગજો પાસે પણ કંઈક નવું કરાવવાની તક ડિરેક્ટરે ગુમાવી છે.નિર્દેશક સમીર વિધવાંસે ટેકનિકલી ફિલ્મ સારી બનાવી છે, પણ પટકથા અત્યંત નબળી છે.
View this post on Instagram
ફિલ્મનો પ્લસ પોઈન્ટ તેની સિનેમેટોગ્રાફી અને લોકેશન્સ છે. ક્રોએશિયા અને આગ્રાના સુંદર દ્રશ્યો જોવામાં ખૂબ જ આકર્ષક લાગે છે. વિઝ્યુઅલ પ્રેઝન્ટેશનની દ્રષ્ટિએ ફિલ્મ ઘણી રિચ છે, જે તેને વન-ટાઇમ વોચ બનાવે છે.જો તમે કાર્તિક કે અનન્યાના ડાઈ-હાર્ડ ફેન હોવ અને કોઈ પણ અપેક્ષા વગર માત્ર ટાઈમપાસ માટે ફિલ્મ જોવા માંગતા હોવ તો જઈ શકો છો. જો તમે મજબૂત વાર્તા અને ઉંડા ભાવનાત્મક જોડાણની અપેક્ષા રાખતા હોવ, તો આ ફિલ્મ તમને નિરાશ કરી શકે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
