News Continuous Bureau | Mumbai
Tu Yaa Main Trailer Out:શનાયા કપૂર અને આદર્શ ગૌરવની જોડી પહેલીવાર મોટા પડદે સાથે જોવા મળશે. બેજય નામ્બિયાર દ્વારા નિર્દેશિત ફિલ્મ ‘તું યા મેં’ નું ટ્રેલર રિલીઝ થઈ ગયું છે. આ ફિલ્મની વાર્તા બે અલગ-અલગ દુનિયાના ઇન્ફ્લુએન્સર્સ અને તેમની મુસાફરીમાં આવતા એક જીવલેણ મગરમચ્છની આસપાસ ફરે છે. ટ્રેલરની શરૂઆત ૧૯૮૮ની ક્લાસિક ફિલ્મ ‘ખૂન ભરી માંગ’ ના એ સીનથી થાય છે જેમાં રેખાને મગરોની વચ્ચે ફેંકવામાં આવે છે, જે ફિલ્મના ખતરનાક વળાંકનો સંકેત આપે છે.
આ સમાચાર પણ વાંચો : Zoya Afroz Transformation: સલમાન ખાનની એ ભત્રીજી હવે બની ગઈ છે બ્યુટી ક્વીન! 27 વર્ષમાં એટલી બદલાઈ ગઈ કે ઓળખવી મુશ્કેલ; જુઓ સુંદરતાનો જાદુ
શું છે ટ્રેલરની ખાસિયત?
ટ્રેલરમાં નાલાસોપારાના ગલી રેપર મારૂતિ કદમ ઉર્ફે ‘આલા ફ્લોપારા’ (આદર્શ ગૌરવ) અને હાઈ-ક્લાસ ઇન્ફ્લુએન્સર અવની શાહ ઉર્ફે ‘મિસ વેનિટી’ (શનાયા કપૂર) ની મુલાકાત બતાવવામાં આવી છે. બંને એક કોલાબોરેશન માટે શહેરની બહાર જાય છે. વાર્તામાં રોમાંચ ત્યારે આવે છે જ્યારે તેઓ એક સૂમસામ સ્વિમિંગ પૂલમાં ફસાઈ જાય છે અને એક મહાકાય મગરમચ્છ તેમના પર વારંવાર હુમલો કરે છે.ટ્રેલરમાં અનેક ચોંકાવનારા દ્રશ્યો છે, જેમાં શનાયા લોહીલુહાણ હાલતમાં મગરમચ્છનો સામનો કરતી દેખાય છે. જ્યારે આ બંને ઇન્ફ્લુએન્સર્સ વચ્ચે પ્રેમ પાંગરવા લાગે છે, ત્યારે જ આ જીવલેણ સંકટ તેમને ઘેરી લે છે. મગરમચ્છથી બચવા માટેના તેમના પ્રયાસો અને જીવ બચાવવાની જંગ ફિલ્મને એક પરફેક્ટ સર્વાઇવલ થ્રિલર બનાવે છે.
View this post on Instagram
આનંદ એલ. રાય અને હિમાંશુ શર્મા દ્વારા નિર્મિત આ ફિલ્મ ૧૩ ફેબ્રુઆરી ૨૦૨૬ ના રોજ સિનેમાઘરોમાં રિલીઝ થશે. વેલેન્ટાઈન ડે ના વીકેન્ડ પર રિલીઝ થનારી આ ફિલ્મ રોમેન્ટિક હોવાની સાથે પ્રેક્ષકોને હચમચાવી દે તેવું સસ્પેન્સ પણ પીરસશે. શનાયા કપૂરના ડેબ્યૂને લઈને પણ ફેન્સમાં ભારે ઉત્તેજના જોવા મળી રહી છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
