News Continuous Bureau | Mumbai
Vivek Agnihotri on Mamata Banerjee Defeat| ભારતીય ફિલ્મ નિર્દેશક વિવેક અગ્નિહોત્રી અવારનવાર પોતાના નિવેદનોને કારણે ચર્ચામાં રહે છે. બંગાળ ચૂંટણી 2026 ના પરિણામો બાદ તેમણે એક લાંબી ટ્વીટ (X) દ્વારા મમતા બેનર્જીના શાસન પર પ્રહારો કર્યા છે અને બંગાળની જનતાને પરિવર્તન પસંદ કરવા બદલ આભાર માન્યો છે. વિવેક અગ્નિહોત્રીએ ભૂતકાળમાં પોતાની ફિલ્મો સાથે થયેલા અન્યાયનો પણ ઉલ્લેખ કર્યો છે.
ફિલ્મો પર પ્રતિબંધ અને વિરોધનો દર્દ
વિવેક અગ્નિહોત્રીએ પોતાના ટ્વીટમાં જૂના દિવસો યાદ કરતા લખ્યું કે, “મમતા બેનર્જીએ મારી ફિલ્મ ‘ધ કાશ્મીર ફાઇલ્સ’ ની રિલીઝ કેન્સલ કરાવી દીધી હતી. બંગાળના થિયેટરોમાં તેને ચલાવવા દેવામાં આવી નહોતી. એટલું જ નહીં, ગત વર્ષે જ્યારે મેં ‘ધ બંગાળ ફાઇલ્સ’ બનાવી ત્યારે પશ્ચિમ બંગાળમાં તેના પર પ્રતિબંધ મૂકવામાં આવ્યો હતો. અમારું ટ્રેલર લોન્ચ ઈવેન્ટ પણ કેન્સલ કરાવ્યું અને મારા પર ડઝનબંધ FIR દાખલ કરવામાં આવી હતી.”
ગવર્નર પાસેથી એવોર્ડ લેવા પણ ન જવા દીધો
ડિરેક્ટરે વધુમાં ઉમેર્યું કે, મમતા સરકાર દરમિયાન તેમને બંગાળમાં પ્રવેશતા પણ રોકવામાં આવ્યા હતા. પરિસ્થિતિ એવી હતી કે તેઓ કોલકાતા જઈને ગવર્નર પાસેથી પોતાનો એવોર્ડ પણ લઈ શક્યા નહોતા. જોકે, તેમણે કહ્યું કે આટલા દબાણ છતાં તેમણે હાર માની નથી અને પોતાની રીતે લડાઈ ચાલુ રાખી હતી. ચૂંટણી દરમિયાન તેમણે ‘ધ બંગાળ ફાઇલ્સ’ વધુમાં વધુ લોકો સુધી પહોંચાડવાના પ્રયાસો કર્યા હતા.
બંગાળની જનતાને આપી શુભકામનાઓ
પોતાની ટ્વીટના અંતે વિવેક અગ્નિહોત્રીએ બંગાળની જનતાને અભિનંદન પાઠવ્યા છે. તેમણે લખ્યું, “મને ગર્વ છે કે અમે હાર માની નહીં અને લડતા રહ્યા. આખરે અમને શાનદાર જીત મળી છે. હવે બંગાળના લોકો ડર્યા વગર ઘરની બહાર નીકળી શકે છે અને માથું ઊંચું કરીને ફરી શકે છે.” તેમણે લોકોને અપીલ કરી કે ભવિષ્યમાં ફરી ક્યારેય મમતા બેનર્જીને ન પસંદ કરે જેથી રાજ્યમાં શાંતિ જળવાઈ રહે.
👉 આ સમાચાર વાચો:
Ananya Birla Met Gala 2026 Mask| અનન્યા બિરલાનો ‘યુનિક’ અવતાર! વાસણોથી બનેલા ડ્રેસમાં હોલીવુડ સુંદરીઓને આપી મ્હાત
