News Continuous Bureau | Mumbai
Abhishek Bachchan IPL Team: બોલિવૂડ અભિનેતા અભિષેક બચ્ચન એક સફળ એક્ટર હોવાની સાથે સ્પોર્ટ્સ પ્રત્યે પણ ભારે લગાવ ધરાવે છે. તે કબડ્ડી અને ફૂટબોલ જેવી રમતોમાં ટીમોના માલિક છે અને તેમની કબડ્ડી ટીમ વિજેતા પણ રહી ચૂકી છે. જોકે, પ્રીતિ ઝિન્ટા, શાહરૂખ ખાન અને જુહી ચાવલા જેવા સ્ટાર્સે IPL માં રોકાણ કર્યું હોવા છતાં અભિષેકે અત્યાર સુધી તેનાથી અંતર જાળવ્યું છે. તાજેતરમાં એક ઇન્ટરવ્યુમાં તેમણે આ પાછળના રસપ્રદ કારણો જણાવ્યા છે.અભિષેક બચ્ચને સ્પષ્ટ કર્યું કે રમત પ્રત્યે માત્ર ઉત્સાહ હોવો પૂરતો નથી, તેમાં તમારું વ્યક્તિગત યોગદાન અને સમજ હોવી પણ જરૂરી છે.
આ સમાચાર પણ વાંચો : Ranveer Allahbadia Girlfriend: શું રણવીર અલ્હાબાદિયા અને જૂહી ભટ્ટ રિલેશનશિપમાં છે? આઈપીએલની મેચમાં સાથે જોવા મળતા ચાહકોમાં શરૂ થઈ ચર્ચા
શરૂઆતમાં IPL ટીમ ખરીદવી ‘બજેટ બહાર’ હતી
મીડિયા સાથેની તાજેતરની વાતચીતમાં અભિષેકે સ્વીકાર્યું કે જ્યારે IPL શરૂ થઈ ત્યારે આર્થિક પાસું એક મોટો અવરોધ હતો.અભિષેકે કહ્યું, “જ્યારે આ લીગ શરૂ થઈ ત્યારે તે ખૂબ મોંઘી હતી. તે સમયે હું એક ઉભરતો અભિનેતા હતો અને હજુ ઠીક-ઠાક કમાણી કરવા લાગ્યો હતો, પરંતુ ટીમ ખરીદવી મારા બજેટની બહારની વાત હતી.”ભલે અન્ય કલાકારોએ રોકાણ કર્યું હતું, પણ અભિષેક તે સમયે મોટું નાણાકીય જોખમ લેવા માટે તૈયાર નહોતો.
View this post on Instagram
પૈસા ઉપરાંત અભિષેક માટે રમત સાથેનું જોડાણ વધુ મહત્વનું છે. તેમણે કહ્યું કે, “હું એવો વ્યક્તિ નથી જે માત્ર પ્રેક્ષક ગણીમાં બેસીને હાથ હલાવે અને કહે કે ‘જુઓ સ્ટાર આવ્યો છે’. મને મારી ટીમના ખેલાડીઓ સાથે રહેવું ગમે છે.” અભિષેક પોતાની કબડ્ડી અને ફૂટબોલ ટીમોમાં ઘણો એક્ટિવ રહે છે. તે ખેલાડીઓના ડાયેટથી લઈને ટ્રેનિંગ સુધીની નાની-નાની બાબતોનું ધ્યાન રાખે છે. તે સમયે તેમને લાગ્યું કે ક્રિકેટમાં તેઓ આટલું યોગદાન આપી શકશે નહીં.ક્રિકેટ વિશે વાત કરતા અભિષેકે સ્વીકાર્યું કે તે સમયે તેમને આ રમતની એટલી ઊંડી જાણકારી નહોતી જેટલી અન્ય રમતોની હતી. જોકે, તેમણે આશાવાદી વલણ દાખવતા કહ્યું, “ક્યારેય હાર ન માનવી જોઈએ, કદાચ ભવિષ્યમાં હું IPL સાથે કોઈ રીતે જોડાઈ શકું.” હાલમાં તે પોતાની હાલની ટીમો પર ધ્યાન કેન્દ્રિત કરી રહ્યા છે અને તેને સફળ બનાવવા માટે મેદાન પર ખેલાડીઓ સાથે સમય વિતાવે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
