News Continuous Bureau | Mumbai
યુટ્યુબર અને કોમેડિયન દેવરાજ પટેલે આ દુનિયાને અલવિદા કહી દીધું છે. દેવરાજનું માર્ગ અકસ્માતમાં મૃત્યુ થયું હતું. અહેવાલો અનુસાર, દેવરાજ એક મિત્ર સાથે બાઇક પર હતો ત્યારે પાછળથી એક હાઇસ્પીડ ટ્રકે તેને ટક્કર મારતાં દેવરાજનું ઘટનાસ્થળે જ મોત થયું હતું. દેવરાજના મૃત્યુ બાદ તેના જૂના વીડિયો સોશિયલ મીડિયા પર વાયરલ થવા લાગ્યા છે.
દેવરાજ પટેલ નો છેલ્લો વિડીયો થયો વાયરલ
દેવરાજ પટેલનો છેલ્લો વીડિયો સોશિયલ મીડિયા પર ઝડપથી શેર થઈ રહ્યો છે. સોશિયલ મીડિયા યુઝર્સ દેવરાજના છેલ્લા ઈન્સ્ટા વીડિયો પર શોક વ્યક્ત કરી રહ્યા છે અને શ્રદ્ધાંજલિ આપી રહ્યા છે. આ વીડિયોમાં દેવરાજ કહે છે, ‘હેલો મિત્રો, ભગવાને મારો ચહેરો એવો બનાવ્યો છે કે લોકો સમજે નહીં, ક્યૂટ કહો કે કટિયા… બાય.’ આ વીડિયોની સાથે દેવરાજે કેપ્શનમાં લખ્યું- ‘પણ હું ક્યૂટ છું, ને મિત્રો ‘ તમને જણાવી દઈએ કે, દેવરાજ આવા નાના સેલ્ફી વીડિયો બનાવતો હતો, જેને ચાહકોએ ખૂબ પસંદ કરતા હતા. દેવરાજનો વિડીયો ચાહકોને ખૂબ જ પસંદ આવ્યો હતો, જોકે આ કોમેડી વિડીયો જોયા બાદ દરેક જણ દુઃખી છે અને તેને મિસ કરી રહ્યા છે.
સોશિયલ મીડિયા પર ફેમસ હતો દેવરાજ પટેલ
દેવરાજના ઈન્સ્ટાગ્રામ પર 57 હજારથી વધુ ફોલોઅર્સ હતા, જ્યારે યુટ્યુબ પર તેમના 4 લાખ સબસ્ક્રાઈબર્સ હતા. આટલું જ નહીં દેવરાજે ભુવન બમ સાથે વેબ સિરીઝ ધીંદૌરામાં કામ કર્યું હતું. આ સિરીઝમાં પણ તેનો ડાયલોગ ‘ભાઈ દિલ સે બુરા લગતા હૈ’નો ઉપયોગ કરવામાં આવ્યો હતો.
