News Continuous Bureau | Mumbai
Ranveer Allahbadia| ડિજિટલ દુનિયાના જાણીતા ફેસ રણવીર અલ્હાબાદિયા (BeerBiceps) આખરે તેમના અંગત જીવનને લઈને એક મોટું અપડેટ આપ્યું છે. લાંબા સમયથી ચાલી રહેલી અટકળો વચ્ચે, રણવીરે સત્તાવાર રીતે સ્વીકાર્યું છે કે તે અભિનેત્રી અને કન્ટેન્ટ ક્રિએટર જુહી ભટ્ટને ડેટ કરી રહ્યા છે. આ કપલે કેન્યાના મસાઈ મારાના જંગલોમાંથી કેટલીક ખૂબ જ સુંદર અને રોમેન્ટિક તસવીરો શેર કરી છે.
પ્રેમનો સુંદર ઈઝહાર
રણવીરે સોશિયલ મીડિયા પર પોતાની ગર્લફ્રેન્ડ જુહી ભટ્ટ સાથેની તસવીરો શેર કરતા ભાવુક કેપ્શન લખ્યું છે. તેણે લખ્યું કે, “શું તમે ક્યારેય કોઈ એવા વ્યક્તિને મળ્યા છો જેની રોશની દુનિયાની તમામ નકારાત્મકતાને દૂર કરી શકે? હું મળ્યો છું.” તસવીરોમાં બંને કેન્યાના કુદરતી સૌંદર્ય વચ્ચે એકબીજા સાથે ખૂબ જ ખુશ દેખાઈ રહ્યા છે. આ પોસ્ટ જોતા જ ફેન્સ અને સેલેબ્સે તેમને અભિનંદન પાઠવવાનું શરૂ કર્યું છે. આશીષ ચંચલાનીએ તો મજાકમાં તેમને જલ્દી લગ્ન કરી લેવાની સલાહ પણ આપી છે.
કોણ છે જુહી ભટ્ટ?
રણવીરની ગર્લફ્રેન્ડ જુહી ભટ્ટ પોતે પણ એક જાણીતું વ્યક્તિત્વ છે. તે એક મોડેલ અને અભિનેત્રી હોવાની સાથે સાથે ખૂબ જ સફળ કન્ટેન્ટ ક્રિએટર પણ છે. જુહીએ કેટલીક વેબ સિરીઝ અને મ્યુઝિક વીડિયોમાં કામ કર્યું છે. સોશિયલ મીડિયા પર તે ફેશન, લાઈફસ્ટાઈલ અને ટ્રાવેલને લગતા વીડિયો માટે યુવાનોમાં ખાસ્સી લોકપ્રિય છે.
અટકળોનો થયો અંત
આ સંબંધ વિશેની અટકળો ત્યારે શરૂ થઈ હતી જ્યારે આ કપલને તાજેતરમાં IPL મેચ દરમિયાન સાથે જોવામાં આવ્યું હતું. તે સમયે રણવીરે પેપરાઝી સામે જુહીને પોતાની ગર્લફ્રેન્ડ તરીકે ઓળખાવી હતી, પરંતુ સોશિયલ મીડિયા પર આ પ્રકારની સત્તાવાર જાહેરાત હવે થઈ છે. હાલમાં આ જોડી કેન્યાના જંગલોમાં વેકેશન માણી રહી છે અને પોતાની યાદગાર પળો ફેન્સ સાથે શેર કરી રહી છે.
👉 આ સમાચાર વાચો:
Diljit Dosanjh| દિલજીત દોસાંઝનો ગ્લોબલ ડાન્સ જીમી ફેલોનને નચાવ્યા ભાંગડાના તાલે, વીડિયો થયો ઇન્ટરનેટ પર વાયરલ
