News Continuous Bureau | Mumbai
NASA: ચંદ્ર અને તારાઓની દુનિયામાં જવાનું સપનું આપણે સૌ જોઈએ છીએ, પણ એક વ્યક્તિએ આ સપનાને હકીકતમાં બદલવા માટે અનોખો રસ્તો અપનાવ્યો. તેણે નાસા (NASA) માંથી સીધા ચંદ્રના પથ્થરોની (Moon rocks) ચોરી કરી. આ ઘટના રોમાંચક અને આશ્ચર્યજનક છે. રોબર્ટ થાડ (Robert Thad) નામના એક વ્યક્તિએ નાસાના (NASA) સંશોધન માટે ચંદ્ર પરથી લાવવામાં આવેલા પથ્થરોમાંથી કેટલાક પથ્થરો ચોરી લીધા હતા. તેણે આ પથ્થરોને પોતાના ઘરના બેડ નીચે સંતાડી રાખ્યા હતા અને તેની ગર્લફ્રેન્ડ (Girlfriend) સાથે તે પથ્થરો પાસે સમય પણ વિતાવ્યો હતો. એક અખબારને આપેલા ઇન્ટરવ્યુમાં તેણે આ રહસ્યનો ખુલાસો કર્યો હતો.
ગર્લફ્રેન્ડ પણ હતી નાસામાં જ કર્મચારી
રોબર્ટ થાડની ગર્લફ્રેન્ડ (Girlfriend) પણ નાસામાં (NASA) જ કામ કરતી હતી. તેઓ ચંદ્ર પર જઈ શકતા ન હતા, તેથી તેમણે ચંદ્ર પરથી લાવેલા પથ્થરોને પોતાના બેડ નીચે રાખીને ચંદ્ર પર ગયા હોવાનો અનુભવ કર્યો. પરંતુ, આ માટે તેમને મોટી કિંમત ચૂકવવી પડી. રોબર્ટ અને તેના સહકર્મીઓએ આ ચોરી માટે ખૂબ જ આયોજન કર્યું હતું. બધાએ મળીને નાસાના (NASA) સિક્યોરિટી કેમેરા (Security Camera) ફરીથી ડિઝાઇન (Redesigned) કર્યા. નિયોપ્રીન બોડીસૂટ પહેરીને અને ઓફિશિયલ બેજ (Official Badge) બનાવીને તેઓ ચંદ્રના પથ્થરો રાખવામાં આવેલા લેબ (Lab) સુધી પહોંચ્યા હતા. રોબર્ટ, ફાઉલર અને તેમના એક મિત્રએ મળીને ૧૭ પાઉન્ડ (Pound) વજનનો એક પથ્થર ચોર્યો હતો.
એફબીઆઈ (FBI) દ્વારા ધરપકડ
આ ઘટના ૨૦૦૨ની છે. આટલું બધું આયોજન કર્યા બાદ પણ તેઓ પકડાઈ ગયા. એફબીઆઈએ (FBI) આને આર્થિક ગુનો (Financial Crime) ગણાવ્યો અને આરોપ લગાવ્યો કે આ લોકોએ પૈસા માટે આ ચોરી કરી હતી. એફબીઆઈ (FBI) એવો દાવો કર્યો કે તેઓ બેલ્જિયમના એક ખરીદદારના સંપર્કમાં હતા, જે આ પથ્થરો માટે ૧ થી ૫ હજાર ડોલર (Dollar) આપવા તૈયાર હતો.
આ સમાચાર પણ વાંચો : Abandoned Vehicles : મુંબઈમાં અધધ આટલા બિનવારસી વાહનો પર કાર્યવાહી; અડધાથી વધુ વાહનો ભંગારમાં
ખરીદદારની જ જાણથી ભાંડો ફૂટ્યો
આ ખરીદદારને આ લોકો પર શંકા જતા તેણે એફબીઆઈને (FBI) જાણ કરી અને રોબર્ટનો ભાંડો ફૂટી ગયો. આ ગુના માટે રોબર્ટને ૮ વર્ષની સજા થઈ, જ્યારે તેની ગર્લફ્રેન્ડ ફાઉલરને ૧૫૦ કલાકની સમાજસેવા અને ૯,૦૦૦ ડોલરનો (Dollar) દંડ ફટકારવામાં આવ્યો.
