News Continuous Bureau | Mumbai
Bangladesh Elections: બાંગ્લાદેશ માં શેખ હસીના ( Sheikh Hasina ) ફરી એકવાર સત્તાની સુકાન સંભાળશે. રવિવારે યોજાયેલી સામાન્ય ચૂંટણીમાં તેમની પાર્ટી અવામી લીગે 300માંથી બે તૃતિયાંશથી વધુ બેઠકો જીતી છે. એટલે કે શેખ હસીના પાંચમી વખત વડાપ્રધાન ( PM ) બનશે. મહત્વનું છે કે તેઓ 2009થી વડાપ્રધાન છે. આ પહેલા શેખ હસીના 1991 થી 1996 સુધી વડાપ્રધાન પણ રહી ચુક્યા છે.
અવામી લીગે 200 બેઠકો જીતી
છૂટાછવાયા હિંસા અને મુખ્ય વિપક્ષી બાંગ્લાદેશ નેશનાલિસ્ટ પાર્ટી (BNP) અને તેના સહયોગીઓ દ્વારા બહિષ્કાર વચ્ચે રવિવારે યોજાયેલી 12મી સામાન્ય ચૂંટણીમાં હસીનાની અવામી લીગે 200 બેઠકો જીતી અને બે તૃતીયાંશ બહુમતી મેળવી. વિપક્ષી રાષ્ટ્રીય પાર્ટીએ 10 બેઠકો અને અપક્ષોએ 45 બેઠકો જીતી હતી.
બાંગ્લાદેશમાં 2018માં યોજાયેલી ચૂંટણીમાં રેકોર્ડ 80 ટકા મતદાન થયું હતું. પરંતુ આ વખતે સામાન્ય ચૂંટણીનો વિરોધ પક્ષોએ બહિષ્કાર કર્યો હતો. પરિણામ એ આવ્યું કે ચૂંટણીમાં માત્ર 40 ટકા જ મતદાન થયું. ચૂંટણી પહેલા બાંગ્લાદેશમાં ઘણી જગ્યાએ હિંસક ઘટનાઓ પણ બની હતી. રવિવારે પણ, મતદાન દરમિયાન, દેશભરમાં 18 સ્થળોએ આગચંપીની ઘટનાઓ બની હતી, જેમાંથી 10 મતદાન મથકોને નિશાન બનાવવામાં આવ્યા હતા.
બીએનપીએ ચૂંટણીનો બહિષ્કાર કર્યો
તો બીજી તરફ પૂર્વ વડાપ્રધાન ખાલિદા ઝિયાની બાંગ્લાદેશ નેશનાલિસ્ટ પાર્ટી (BNP)ના નેતાઓએ ચૂંટણીને કપટી ગણાવી છે. બીએનપીએ 2014ની ચૂંટણીનો પણ બહિષ્કાર કર્યો હતો. જોકે, પાર્ટીએ 2018માં ચૂંટણી લડી હતી. આ વખતે પણ બીએનપીએ ચૂંટણીનો બહિષ્કાર કર્યો હતો. તેની સાથે 15 રાજકીય પક્ષો ( Political Party ) એ પણ તેનો બહિષ્કાર કર્યો હતો. બીએનપીએ 48 કલાકની હડતાળનું પણ આયોજન કર્યું હતું, જેમાં તેમણે લોકોને મતદાન ન કરવાની અપીલ કરી હતી. બીએનપી નેતાઓ દાવો કરે છે કે ઓછું મતદાન એ સાબિતી છે કે તેમનો બહિષ્કાર સફળ રહ્યો હતો.
આ સમાચાર પણ વાંચો : Face Pack : શિયાળામાં પણ તમને મળશે ગ્લોઈંગ સ્કીન, બસ ચહેરા પર લગાવો આ ઘરે બનાવેલા ફેસ પેક..
લોકોમાં મતદાનને લઈને ઉત્સાહ ન હતો
જણાવવામાં આવી રહ્યું છે કે આ વખતે લોકોમાં મતદાન ( Voting ) ને લઈને ઉત્સાહ નહોતો. મતદાન મથક પર પણ લાંબી કતારો જોવા મળી ન હતી. મતદાન શરૂ થયા બાદ વડાપ્રધાન શેખ હસીનાએ ઢાકા સિટી કોલેજના પોલિંગ બૂથ પર પોતાનો મત આપ્યો. આ દરમિયાન તેમની પુત્રી સાયમા વાજેદ પણ તેમની સાથે હતી. શેખ હસીનાએ BNP અને જમાત-એ-ઈસ્લામી પર લોકશાહીમાં વિશ્વાસ ન હોવાનો આરોપ લગાવ્યો હતો. તેમણે ભારતની પ્રશંસા કરી હતી અને તેને વિશ્વાસપાત્ર મિત્ર ગણાવ્યો હતો.
1500થી વધુ ઉમેદવારો મેદાનમાં
આ ચૂંટણીમાં 436 અપક્ષ ઉમેદવારો ઉપરાંત 27 રાજકીય પક્ષોના 1500થી વધુ ઉમેદવારો મેદાનમાં હતા. ભૂતપૂર્વ ચૂંટણી કમિશનર બ્રિગેડિયર જનરલ (નિવૃત્ત) સખાવત હુસૈને આ ચૂંટણીને છેલ્લી બે ચૂંટણીઓની સરખામણીમાં અનોખી ગણાવી હતી.
