કોરોના મહામારીથી બચવા માટે હવે પાકિસ્તાનમાં પણ કોરોના રસીકરણનો માર્ગ સ્પષ્ટ થઈ રહ્યો છે.
કોરોના રસીની પહેલી ખેપ પાકિસ્તાન પહોંચ્યા બાદ દેશમાં કોરોના રસકરણનો આરંભ થઇ ગયો છે, જો કે હવે પાકિસ્તાનને કોરોના રસીને આતંકીઓની ફોજ લૂંટી ન જાય તેની ચિંતા સતાવી રહી છે. જેના કારણે હવે આ રસીને ગુપ્ત સ્થાનોમાં રાખવામાં આવી છે.
કોરોના રસીની સુરક્ષા માટે સીસીટીવી, ક્વિક રિએક્સન ફોર્સ, પોલીસ,રેન્જર્સ અને સેનાને તૈનાત કરવામાં આવી રહી છે.
નેશનલ કમાન્ડ એન્ડ ઓપરેશન સેન્ટરે કોરોના રસીની ચોરી તથા આતંકી હુમલાથી તેને બચાવવા માટે ગાઇડલાઇન જારી કરી છે.
