News Continuous Bureau | Mumbai

Donald Trump ભારત અને અમેરિકા વચ્ચે હાલમાં તણાવની સ્થિતિ છે. અમેરિકાના રાષ્ટ્રપતિ ડોનાલ્ડ ટ્રમ્પ દ્વારા લગાવવામાં આવેલા ટેરિફને કારણે હાલમાં આ બંને દેશો વચ્ચેના વેપાર સંબંધો બગડ્યા છે. ટ્રમ્પ દ્વારા લગાવવામાં આવેલા આ ટેરિફને કારણે અમેરિકામાં સીધા બે જૂથો પડી ગયા છે. ત્યાંના કેટલાક નાગરિકોએ ટ્રમ્પની નીતિને ટેકો આપ્યો છે, જ્યારે કેટલાક લોકોએ ટ્રમ્પનો ખુલ્લેઆમ વિરોધ કર્યો છે. હવે આ ટેરિફ વિવાદમાં અબજોપતિ એલોન મસ્કએ પણ સીધી એન્ટ્રી કરી છે. મસ્કએ ટ્રમ્પના ટેરિફનું સમર્થન કરનારા પીટર નવારોને જોરદાર જવાબ આપ્યો છે.

ડોનાલ્ડ ટ્રમ્પના સહયોગીનો દાવો ખોટો?

પીટર નવારો એ ડોનાલ્ડ ટ્રમ્પના નજીકના સહયોગી તેમજ વ્યવસાય સલાહકાર છે. એલોન મસ્ક હવે આ પીટર સાથે સીધા ભીડ્યા છે. પીટર નવારો છેલ્લા ઘણા દિવસોથી ભારત પર ટીકા કરી રહ્યા છે. તેઓ ડોનાલ્ડ ટ્રમ્પની નીતિને સમર્થન આપે છે. થોડા દિવસો પહેલા તેમણે એક્સ પર એક પોસ્ટ કરી હતી. આ પોસ્ટમાં નવારોએ દાવો કર્યો હતો કે ભારત રશિયા પાસેથી ક્રૂડ ઓઇલ આયાત કરે છે અને આ જ પૈસા રશિયા યુક્રેન સામેના યુદ્ધમાં વાપરી રહ્યો છે. એક્સની કોમ્યુનિટી નોટે નવારોની આ પોસ્ટના દાવાઓને ફેક્ટ ચેક દ્વારા ખોટા ગણાવ્યા. કોમ્યુનિટી નોટે જણાવ્યું હતું કે ઊર્જા સુરક્ષા માટે ભારત રશિયા પાસેથી તેલ ખરીદે છે. ભારતનો આ વેપાર માત્ર નફા માટે નથી. ભારત આ વેપાર કરતા કોઈપણ આંતરરાષ્ટ્રીય નિયમોનું ઉલ્લંઘન કરતું નથી.

આ સમાચાર પણ વાંચો : American Economy: શું ખરેખર મંદીના આરે ઉભું છે અમેરિકા? મુખ્ય અર્થશાસ્ત્રી માર્ક જેન્ડીએ આપી આવી ચેતવણી

એલોન મસ્કે નવારોને જોરદાર જવાબ આપ્યો

એક્સના આ ફેક્ટ ચેકથી નવારો ગુસ્સે થયા. તેમણે એક્સની કોમ્યુનિટી નોટને કચરો કહીને તેની નિંદા કરી. અને એલોન મસ્ક વિદેશી પ્રચાર કરી રહ્યા હોવાનો પણ દાવો કર્યો. તેમના આ દાવાને નકારી કાઢતા એલોન મસ્કએ પણ નવારોને જોરદાર જવાબ આપ્યો. તેમણે કહ્યું કે એક્સ એક રિયલ ટાઈમ, પારદર્શક, ફેક્ટ ચેક સ્રોત છે. આજકાલ લોકો કઈ વાત સાચી છે તે પોતે જ ઓળખે છે. એક્સ પ્લેટફોર્મ પર દરેક પક્ષની બાજુ સામે આવે છે, એમ કહીને નવારોને જવાબ આપ્યો.આ દરમિયાન, ભારત પર લાગુ કરાયેલા ટેરિફ અંગે અમેરિકામાં જ મતભેદો હોવાથી હવે આગળ શું થશે તેના પર સૌની નજર છે.