News Continuous Bureau | Mumbai
Hezbollah Leader Hassan Nasrallah: ઈઝરાયેલ સતત હિઝબુલ્લાહ પર હવાઈ હુમલાઓ દ્વારા તેમના સ્થાનોને નષ્ટ કરી રહ્યું છે. આ દરમિયાન ઈઝરાયેલે મોટો દાવો કર્યો છે કે હિઝબુલ્લાના ચીફ નસરાલ્લાહ માર્યા ગયા છે. ઈઝરાયલ ડિફેન્સ ફોર્સે ટ્વિટર પર પોસ્ટ કરીને કહ્યું કે હવે હસન નસરાલ્લાહ દુનિયામાં આતંક ફેલાવી શકશે નહીં. હસન નસરાલ્લાહ 32 વર્ષ સુધી સંગઠનના પ્રમુખ હતા.
Hezbollah Leader Hassan Nasrallah: ઈઝરાયેલે હિઝબુલ્લાના ચીફ ની હત્યાનો દાવો કર્યો
ઈઝરાયેલે હિઝબુલ્લાના ચીફ હસન નરસલ્લાહની હત્યા કરવાનો દાવો કર્યો છે. ઈઝરાયલ ડિફેન્સ ફોર્સે તેના ઓફિશિયલ એક્સ હેન્ડલ પર એક પોસ્ટમાં લખ્યું, ‘હસન નસરાલ્લાહ હવે દુનિયાને આતંકિત કરી શકશે નહીં.’ IDFના પ્રવક્તા ડેનિયલ હગારીએ એક નિવેદનમાં જણાવ્યું હતું કે, “અમે આતંકવાદી સંગઠન હિઝબુલ્લાહના નેતા હસન નસરાલ્લાહ અને અન્ય કમાન્ડરો સહિત સધર્ન ફ્રન્ટ કમાન્ડર અલી કરાકીને મારી નાખ્યા છે.” નસરાલ્લાહ અને તેની પુત્રી ઝૈનબ દક્ષિણ બેરૂતમાં હિઝબુલ્લાના મુખ્ય મથક પર શુક્રવારે ઇઝરાયેલના હવાઈ હુમલામાં માર્યા ગયા હોવાનું માનવામાં આવે છે.
Hezbollah Leader Hassan Nasrallah: ઈરાને બોલાવી તાત્કાલિક બેઠક
હસન નસરાલ્લાહના મૃત્યુના સમાચાર વચ્ચે ઈરાને મુસ્લિમ દેશોના સમૂહ ઈસ્લામિક સહકાર સંગઠન (આઈઓસી)ની તાત્કાલિક બેઠક બોલાવી છે. બીજી તરફ સૂત્રોએ જણાવ્યું કે ઈરાનના સર્વોચ્ચ નેતા અયાતુલ્લા અલી ખમેનીની સુરક્ષા પણ વધારી દેવામાં આવી છે. સૂત્રોના જણાવ્યા અનુસાર ખમેનીને સુરક્ષિત સ્થળે મોકલી દેવામાં આવ્યા છે.
આ સમાચાર પણ વાંચો : Israel-Hezbollah war : લેબનોનના લોકોને ઇઝરાયલની ચેતવણી… હિઝબુલ્લાના સ્થાનોથી 500 મીટર દૂર રહો, નહીં તો..
Hezbollah Leader Hassan Nasrallah: હિઝબુલ્લા તરફથી કોઈ નિવેદન આવ્યું નથી
હેડક્વાર્ટર પર મોડી રાત્રે થયેલા હુમલામાં ઘણા કમાન્ડરો પણ માર્યા ગયા હતા. જેમાં હિઝબુલ્લાહના દક્ષિણી મોરચાના કમાન્ડર અલી કરચીનો સમાવેશ થાય છે. જોકે, નસરાલ્લાહના મૃત્યુ અંગે હિઝબુલ્લા તરફથી કોઈ નિવેદન આવ્યું નથી. આ પહેલા હિઝબુલ્લાના એક અધિકારીએ કહ્યું હતું કે બેરૂત હુમલા બાદથી નસરાલ્લાહ સાથે કોઈ સંપર્ક થયો નથી.
(News Continuous brings you all the latest breaking news, viral trends and information from social media world, including Twitter, Instagram and Youtube. The above post is embeded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
