News Continuous Bureau | Mumbai 

Hindu Temple:  અયોધ્યાના રામ મંદિરમાં 22 જાન્યુઆરીએ યોજાનાર રામલલાના અભિષેક સમારોહની તૈયારીઓ પૂરજોશમાં કરવામાં આવી રહી છે. સમગ્ર વિશ્વની નજર રામ મંદિરના ( Ram Mandir ) ઉદ્ઘાટન પર ટકેલી છે.. દરમિયાન, સંયુક્ત આરબ અમીરાત ( UAE ) હાલ 14 ફેબ્રુઆરીની તૈયારીમાં વ્યસ્ત છે. 

નોંધનીય છે કે, UAEની રાજધાની અબુ ધાબીમાં ( Abu Dhabi ) પહેલું હિન્દુ મંદિર તૈયાર કરવામાં આવ્યું છે. 14 ફેબ્રુઆરી 2024 ના રોજ ભારતના વડા પ્રધાન નરેન્દ્ર મોદી ( Narendra Modi ) દ્વારા આ મંદિરનું ઉદ્ઘાટન પણ કરવામાં આવશે. અબુ ધાબીમાં પહેલું હિન્દુ મંદિર બનાવનાર સંસ્થા BAPS સ્વામિનારાયણે ( BAPS Swaminarayan ) PM મોદીને ઉદ્ઘાટન સમારોહ ( Opening ceremony ) માટે આમંત્રણ પણ આપ્યું હતું, જેનો વડાપ્રધાને સ્વીકાર કર્યો છે.

અબુ ધાબીનું પહેલું હિન્દુ મંદિર…

પ્રાપ્ત માહિતી મુજબ, અબુ ધાબીનું આ પહેલું હિન્દુ મંદિર છે, જે 14 ફેબ્રુઆરીએ ખુલવા જઈ રહ્યું છે, જે અલ વકબા સ્થળ પર 20,000 ચોરસ મીટરની જમીન પર બનેલું છે. આ મંદિરને ખૂબ જ આધુનિક શૈલીમાં બનાવવામાં આવ્યું છે. પ્રાચીન કલા અને આધુનિક સ્થાપત્યના સમન્વયથી બનેલા આ મંદિરનું કોતરકામ અજોડ છે. મંદિર શાહી, પરંપરાગત હાથથી કોતરેલા પથ્થરોથી બનેલું છે.

આ સમાચાર પણ વાંચો :  Indo-Canadian Arrested: કેનેડામાં ભારતીય મૂળનો વ્યક્તિ આટલા કિલો કોકેઈન સાથે ઝડપાયો.. પોલીસ તપાસ ચાલુ..

વડાપ્રધાન નરેન્દ્ર મોદીએ 2018માં આ મંદિરનો શિલાન્યાસ કર્યો હતો. આવી સ્થિતિમાં ઉદ્ઘાટન પહેલા અયોધ્યાની તર્જ પર આબુ ધાબીમાં પણ તૈયારીઓ પૂરજોશમાં ચાલી રહી છે. અબુધાબીમાં યોજાનાર ભવ્ય કાર્યક્રમમાં ભારતના લોકો પણ ભાગ લેશે. ભારત અને UAE વચ્ચે સારા સંબંધો સ્થાપિત કરવામાં આ મંદિર ખૂબ જ અસરકારક સાબિત થશે. એક રિપોર્ટ અનુસાર, આબુ ધાબીના આ ઈવેન્ટમાં 55 દેશોમાં રહેતા NRIને જોડવાનો મોટો પ્રયાસ કરવામાં આવી રહ્યો છે.