News Continuous Bureau | Mumbai
Hormuz Strait Transit Rules અમેરિકા અને ઈરાન વચ્ચેના તાજેતરના કરાર બાદ વ્યૂહાત્મક રીતે મહત્વપૂર્ણ એવા હોર્મુઝ સ્ટ્રેટ (Hormuz Strait) દરિયાઈ માર્ગ પર અવરજવર ફરી શરૂ થઈ છે. ઈરાન સરકારે સુરક્ષાના કારણોસર નવા કડક નિયમો અમલી બનાવ્યા છે, જ્યારે વેપારીઓને મોટી રાહત આપતા 60 દિવસ માટે તમામ ટ્રાન્ઝિટ ચાર્જ માફ કરવાની જાહેરાત કરી છે.
Hormuz Strait Transit Rules – શું છે નવા કડક નિયમો?
હવેથી કોઈપણ જહાજ ઈરાનની પૂર્વ મંજૂરી વગર હોર્મુઝમાંથી આગળ વધી શકશે નહીં. ઈરાનની નવી સંસ્થા ‘પર્સિયન ગલ્ફ સ્ટ્રેટ ઓથોરિટી’ (PGSA) એ સ્પષ્ટ કર્યું છે કે દરેક જહાજના ઓપરેટરે મુસાફરીના ઓછામાં ઓછા 48 કલાક પહેલાં ઓનલાઈન અરજી કરવી ફરજિયાત રહેશે. આ અરજીમાં રૂટ, ટ્રાવેલ પ્લાન અને કોમ્યુનિકેશન વિગતો આપવી પડશે. આ ઉપરાંત, સફર દરમિયાન જહાજના કેપ્ટને સતત ઈરાની અધિકારીઓના સંપર્કમાં રહેવું પડશે, જેથી દરિયાઈ સુરંગો (Sea Mines) જેવા સંવેદનશીલ વિસ્તારોમાંથી સુરક્ષિત પસાર થઈ શકાય.
Hormuz Strait Transit Rules – વેપારીઓને 60 દિવસની મોટી રાહત
નવા નિયમોની સાથે ઈરાને દરિયાઈ વેપારને વેગ આપવા માટે મોટી રાહત આપી છે. કરારના અમલીકરણના પ્રથમ 60 દિવસ સુધી હોર્મુઝમાંથી પસાર થતાં જહાજો પાસેથી સુરક્ષા, પર્યાવરણ અને વીમા સંબંધિત કોઈ પણ ટ્રાન્ઝિટ ચાર્જ (Transit Charge) લેવામાં નહીં આવે. આ સમયગાળા દરમિયાન આ તમામ સેવાઓનો ખર્ચ ઈરાન સરકાર પોતે ઉઠાવશે. સરકારનું આ પગલું વૈશ્વિક વેપારી સમુદાય માટે આર્થિક રાહત સમાન માનવામાં આવે છે.
Hormuz Strait Transit Rules – દરિયાઈ ટ્રાફિકમાં નોંધપાત્ર વધારો
અમેરિકા-ઈરાન કરારની અસર તાત્કાલિક જોવા મળી રહી છે. માર્ચ મહિનાથી યુદ્ધના કારણે આ માર્ગ પર રોજના સરેરાશ માત્ર સાત જહાજો જ પસાર થતા હતા, જે સંખ્યા વધીને હવે એક દિવસમાં 25 કોમર્શિયલ જહાજો સુધી પહોંચી ગઈ છે. એપ્રિલ મહિનાના મધ્ય પછી આ સૌથી મોટો આંકડો છે. હોર્મુઝ સ્ટ્રેટ ફરીથી ધમધમતા થવાથી વૈશ્વિક સપ્લાય ચેઈન અને ક્રૂડ ઓઈલના પરિવહનમાં રાહત મળવાની આશા બંધાઈ છે.
👉 આ સમાચાર વાચો:
Uddhav Thackeray's Bold Challenge 'હું પદ છોડવા તૈયાર છું' શિવસેનાના વર્ધાપન દિવસે ઉદ્ધવ ઠાકરેની ભાવુક અને આક્રમક સાદ
