News Continuous Bureau | Mumbai
India China Delhi Meeting મધ્ય પૂર્વમાં અમેરિકા અને ઈરાન વચ્ચે ચાલી રહેલા તણાવ અને હોર્મુઝ સ્ટ્રેટ ના સંકટ વચ્ચે એક મોટા રાજદ્વારી સમાચાર સામે આવ્યા છે. વિશ્વ જ્યારે યુદ્ધના ભણકારા વચ્ચે વહેંચાયેલું છે, ત્યારે ભારત અને ચીને બંધ બારણે મહત્વપૂર્ણ બેઠક યોજીને વૈશ્વિક રાજકારણમાં સૌને ચોંકાવી દીધા છે. 15 અને 17 એપ્રિલના રોજ દિલ્હીમાં યોજાયેલી આ બેઠક અમેરિકા માટે એક મોટો રાજદ્વારી ઝટકો માનવામાં આવી રહી છે.
દિલ્હીમાં યોજાઈ ભારત-ચીન દ્વિપક્ષીય બેઠક
શાંઘાઈ કોઓપરેશન ઓર્ગેનાઈઝેશન (SCO) ના નેતૃત્વ હેઠળ દિલ્હીમાં ભારત અને ચીનના ઉચ્ચસ્તરીય પ્રતિનિધિમંડળ વચ્ચે બેઠક યોજાઈ હતી. ભારતનું નેતૃત્વ રાજદૂત આલોક એ. ડિમરીએ કર્યું હતું, જ્યારે ચીની પ્રતિનિધિમંડળનું નેતૃત્વ રાજદૂત યાન વેનબિને કર્યું હતું. પરદેશ મંત્રાલયના જણાવ્યા અનુસાર, આ બેઠકમાં SCO ના ભાવિ નિર્ણયો અને બંને દેશો વચ્ચેના સહયોગ અંગે સવિસ્તાર ચર્ચા કરવામાં આવી હતી. આ મુલાકાત એવા સમયે થઈ છે જ્યારે અમેરિકા પરમાણુ યુદ્ધ જેવી સ્થિતિમાં વૈશ્વિક સમર્થન શોધી રહ્યું છે.
અમેરિકાની અપેક્ષાઓ પર પાણી
અમેરિકી રાષ્ટ્રપતિ ડોનાલ્ડ ટ્રમ્પે હોર્મુઝ સ્ટ્રેટમાં સુરક્ષા માટે ચીન સહિતના અનેક દેશો પાસે મદદ માંગી હતી, પરંતુ ચીને સ્પષ્ટપણે ના પાડી દીધી હતી. બીજી તરફ, ભારતે પણ અમેરિકા દ્વારા લાદવામાં આવેલા ટૅરિફ બાદ પોતાની સ્વતંત્ર વિદેશ નીતિ જાળવી રાખી છે. ભારત અને ચીનનું એક જ મંચ પર આવવું અને તે પણ બંધ બારણે બેઠક કરવી એ સાબિત કરે છે કે બંને દેશો હવે વૈશ્વિક તણાવના સમયમાં પોતાની વ્યૂહાત્મક સ્વાયત્તતા (Strategic autonomy) પર ધ્યાન આપી રહ્યા છે.
યુદ્ધ જેવી સ્થિતિમાં ભારત-ચીનની નવો દાવ
યુદ્ધની આ સ્થિતિમાં ભારત અને ચીનનું નજીક આવવું એ અમેરિકા માટે ચિંતાનો વિષય છે. જ્યારે ટ્રમ્પ વહીવટીતંત્ર યુદ્ધના કારણે ઉર્જા સુરક્ષાને લઈને દબાણમાં છે, ત્યારે એશિયાની આ બે મોટી શક્તિઓનું શાંતિ અને પરસ્પર હિતો પર ચર્ચા કરવી એ આંતરરાષ્ટ્રીય સ્તરે સત્તાનું નવું સમીકરણ રચી શકે છે. આગામી સમયમાં આ જોડાણ ઈરાન-અમેરિકા સંઘર્ષમાં કઈ દિશા લેશે, તે જોવું ખૂબ જ મહત્વનું બની રહેશે.
👉 આ સમાચાર વાચો:
Mumbai Mega Block Update લોકલ ટ્રેનમાં મુસાફરી કરતા પહેલા સાવધાન! મેગાબ્લોકને કારણે બદલાશે ટ્રેનનો સમય, આજે જ જોઈ લો નવું શેડ્યૂલ.
