News Continuous Bureau | Mumbai
International Relations અમેરિકાના રાષ્ટ્રપતિ ડોનાલ્ડ ટ્રમ્પ (Donald Trump) અને ઇટાલીના વડાપ્રધાન જ્યોર્જિયા મેલોની (Giorgia Melony) વચ્ચેનો રાજદ્વારી વિવાદ હવે ખુલ્લેઆમ સપાટી પર આવી ગયો છે. ડોનાલ્ડ ટ્રમ્પ દ્વારા સોશિયલ મીડિયા પર લગાવવામાં આવેલા ગંભીર આક્ષેપોનો સણસણતો જવાબ આપતા ઇટાલીના પીએમ જ્યોર્જિયા મેલોનીએ સ્પષ્ટ કર્યું છે કે, અમેરિકા સાથે ઇટાલીના સંબંધો સમાન ભાગીદારી (Partnership) પર આધારિત છે, નહીં કે કોઈના આદેશો સામે ઝૂકવા પર. મેલોનીએ એવા તમામ અહેવાલોને સખત શબ્દોમાં ફગાવી દીધા છે જેમાં દાવો કરવામાં આવી રહ્યો હતો કે તેઓ અમેરિકા સામે નબળા પડી રહ્યા છે.
International Relations – ‘હું ન પહેલાં ક્યારેય ઝૂકી હતી, ન હવે ઝૂકીશ’ – G7 સમિટના ફોટો વિવાદ પર ભડક્યા મેલોની
આ સમગ્ર વિવાદની શરૂઆત તાજેતરમાં ફ્રાન્સના એવિયન (Evian) શહેરમાં યોજાયેલી G7 સમિટ બાદ થઈ હતી. સમિટ પુરી થયા બાદ રાષ્ટ્રપતિ ટ્રમ્પે પોતાના સોશિયલ મીડિયા પ્લેટફોર્મ પર દાવો કર્યો હતો કે, ઇટાલીના પીએમ જ્યોર્જિયા મેલોનીએ પોતાની લોકપ્રિયતા (Popularity) વધારવા માટે તેમની સાથે ફોટો ખેંચાવવા માટે વારંવાર વિનંતીઓ કરી હતી. ઇટાલીના એક અગ્રણી ન્યૂઝ આઉટલેટને આપેલા ઇન્ટરવ્યુમાં ટ્રમ્પના આ નિવેદન પર પલટવાર કરતા મેલોનીએ કહ્યું કે, “મારી સરકાર અમેરિકા વિરોધી નથી, પરંતુ અમે કોઈની સામે ઝૂકવા માટે પણ તૈયાર નથી. હું ન પહેલાં ક્યારેય ઝૂકી હતી, ન ભવિષ્યમાં ક્યારેય ઝૂકીશ. પાશ્ચાત્ય દેશો ત્યારે જ મજબૂત બનશે જ્યારે તેઓ પરસ્પર સન્માન અને સ્પષ્ટ વાતચીતના આધારે એકજુથ રહેશે.”
International Relations – ટ્રમ્પના હમલા બિનજરૂરી, ઇટાલીના રાષ્ટ્રીય હિતોની રક્ષા કરવી મારી પહેલી પ્રાથમિકતા
ડોનાલ્ડ ટ્રમ્પે પોતાના નિવેદનમાં એવો પણ તંજ કસ્યો હતો કે, ઇટાલીમાં મેલોનીની લોકપ્રિયતા કદાચ એટલા માટે વધી કારણ કે તેમણે અમેરિકા વિરોધી વલણ અપનાવ્યું હતું અને હવે તે પોતાની જૂની ઇમેજ સુધારવા માટે ફરીથી દોસ્તીનો ડોળ કરી રહ્યા છે. વડાપ્રધાન મેલોનીએ ટ્રમ્પના આ નિવેદનોને તદ્દન બિનજરૂરી અને પાયાવિહોણા ગણાવ્યા છે. તેમણે સ્પષ્ટ શબ્દોમાં કહ્યું કે, “મારી લોકપ્રિયતા કોઈ વિદેશી નેતા સાથેના સંબંધો પર નિર્ભર નથી કરતી. ઇટાલીની જનતા મને એટલા માટે પસંદ કરે છે કારણ કે હું દેશના રાષ્ટ્રીય હિતોની (National Interests) મજબૂતીથી રક્ષા કરું છું. મેં હંમેશા ઇટાલીના હિતોને આગળ રાખ્યા છે.” તેમણે ટ્રમ્પને સલાહ આપતા ઉમેર્યું કે સારું રહેશે કે દરેક વ્યક્તિ બીજાની લોકપ્રિયતા માપવાના બદલે પોતાના કામ પર ધ્યાન કેન્દ્રિત કરે.
International Relations – એકતરફી રીતે સૈન્ય કરારો બદલી શકાશે નહીં, ઇટાલીના વિદેશ મંત્રીએ યુએસ પ્રવાસ કર્યો રદ
પોતાના ઇન્ટરવ્યુમાં પીએમ મેલોનીએ અમેરિકા અને ઇટાલી વચ્ચેના સંરક્ષણ અને સૈન્ય કરારોનો (Military Agreements) પણ ખાસ ઉલ્લેખ કર્યો હતો. તેમણે તીખા તેવરમાં જણાવ્યું કે, ઇટાલીની ધરતી પર આવેલા અમેરિકન સૈન્ય મથકો સાથે જોડાયેલા કરારોનું સન્માન થવું જોઈએ અને વૈશ્વિક દબાણમાં આવીને તેને એકતરફી રીતે બદલી શકાય નહીં. જ્યાં સુધી તેઓ પીએમ પદ પર છે ત્યાં સુધી ઇટાલીની સંપ્રભુતા સાથે કોઈ બાંધછોડ થશે નહીં. ઉલ્લેખનીય છે કે, રાષ્ટ્રીય સ્તરે બંને નેતાઓ વચ્ચે વધેલા આ ભયાનક તણાવના કારણે ઇટાલીના વિદેશ મંત્રી એન્ટોનિયો તાજાનીએ (Antonio Tajani) પોતાનો પૂર્વ નિર્ધારિત સત્તાવાર અમેરિકા પ્રવાસ પણ તાત્કાલિક અસરથી રદ કરી દીધો છે, જેના લીધે વૈશ્વિક રાજકારણમાં ગરમાવો આવી ગયો છે.
👉 આ સમાચાર વાચો:
FDA Action Mumbai FDA કમિશનર તુકારામ મુંઢેનો ધડાકો મુંબઈની ૬ નામચીન હોટલો પર ત્રાટક્યું તંત્ર, લાયસન્સ સીધા રદ!
