News Continuous Bureau | Mumbai
China Iran Arms Supply Allegations મધ્ય એશિયામાં ચાલી રહેલા તણાવ વચ્ચે એક નવી અને ગંભીર ઘટના સામે આવી છે. સોશિયલ મીડિયા પર વાયરલ થયેલા વીડિયો અને રિપોર્ટ્સ મુજબ, છેલ્લા 48 કલાકમાં ચીનના ચાર કાર્ગો વિમાનોએ ઈરાનમાં ગુપચુપ રીતે લેન્ડિંગ કર્યું છે. આ વિમાનોની ગતિવિધિ એટલી રહસ્યમય હતી કે લેન્ડિંગ પહેલાં તેમના ટ્રાન્સપોન્ડર (Transponders) બંધ કરી દેવામાં આવ્યા હતા, જેથી તેમની ચોક્કસ લોકેશનની માહિતી કોઈને મળે નહીં. આ ઘટનાએ વૈશ્વિક રાજકારણમાં નવો વિવાદ જગાવ્યો છે.
ચીનનું વચન અને વાસ્તવિકતા વચ્ચેનો વિરોધાભાસ
આ ઘટનાના થોડા દિવસો પહેલા જ ચીની રાષ્ટ્રપતિ શી જિનપિંગે અમેરિકાને વચન આપ્યું હતું કે તેઓ ઈરાનને કોઈ પણ પ્રકારના હથિયારો (Arms and ammunition) સપ્લાય કરશે નહીં. પરંતુ હવે ચીનના આ કાર્ગો વિમાનોનું ઈરાનમાં ઉતરાણ થતા અમેરિકા અને ઈઝરાયેલની ચિંતા વધી છે. જાણકારોનું કહેવું છે કે ચાર વિમાનોનું એક જ પેટર્ન પર લેન્ડિંગ કરવું એ કોઈ ટેકનિકલ ખામી નથી, પરંતુ કોઈ ખાસ ઓપરેશનનો ભાગ હોઈ શકે છે.
🇨🇳🇮🇷 4 Chinese cargo planes allegedly switched off their transponders and landed in Iran within the last 48 hours, reportedly carrying arms and ammunition.
The flights went dark mid-route before entering Iranian airspace.
This comes days after Xi reportedly assured Trump that… https://t.co/hkW4NEoK1a pic.twitter.com/YMTNKku0pY
— Mario Nawfal (@MarioNawfal) April 17, 2026
શું ઈરાનને મળી રહ્યા છે હથિયારો?
એવિએશન એક્સપર્ટ્સનું માનવું છે કે આ રીતે ટ્રાન્સપોન્ડર બંધ કરીને ઉડાન ભરવી સામાન્ય નથી. એવી આશંકા સેવાઈ રહી છે કે આ વિમાનોમાં ઈરાન માટે હથિયારો અને દારૂગોળો મોકલવામાં આવ્યો છે. મીડિયા રિપોર્ટ્સ મુજબ, ચીન કથિત રીતે ઈરાનને અમેરિકી સૈન્ય બેઝને નિશાન બનાવવા માટે મદદ કરી રહ્યું છે. જોકે, ચીનના વિદેશ મંત્રાલયના પ્રવક્તા લિન જિયાને આ તમામ અહેવાલોને ‘સંપૂર્ણપણે જૂઠા’ ગણાવીને નકારી કાઢ્યા છે અને કોઈપણ પ્રકારની મદદ આપ્યાનો ઈન્કાર કર્યો છે.
અમેરિકાની ચેતવણી અને વધતો વૈશ્વિક તણાવ
અમેરિકી રાષ્ટ્રપતિ ડોનાલ્ડ ટ્રમ્પે અગાઉ જ ચીનને કડક શબ્દોમાં ચેતવણી આપી હતી કે જો તેઓ આ યુદ્ધમાં કોઈપણ રીતે દખલગીરી કરશે, તો તેના પરિણામો ખૂબ જ ભયાનક હશે. એક તરફ હોર્મુઝ સ્ટ્રેટ (Hormuz Strait) ને વ્યાપારી જહાજો માટે ખોલવામાં આવ્યું છે, પરંતુ બીજી તરફ આવી રહસ્યમય ઘટનાઓ ફરીથી તણાવ પેદા કરી રહી છે. આ ઘટનાની સત્તાવાર પુષ્ટિ ન થઈ હોવા છતાં, તેહરાનમાં લેન્ડ થયેલા આ વિમાનોએ આંતરરાષ્ટ્રીય સ્તરે ચીનની ભૂમિકા પર પ્રશ્નાર્થ ચિન્હ મૂકી દીધો છે.
👉 આ સમાચાર વાચો:
Trump Iran Threat ટ્રમ્પનો ઈરાન પર પલટવાર સમજૂતી કે બોમ્બ? જાણો કયા કારણોસર ટ્રમ્પે ફરી ધમકાવ્યું ઈરાનને
