News Continuous Bureau | Mumbai
Israel Hamas Ceasefire : ગાઝા યુદ્ધવિરામ કરાર હેઠળ ઇઝરાયલ અને હમાસ આજે બંધકો-કેદીઓની અદલાબદલી કરશે. ઇઝરાયલી જેલમાંથી 369 પેલેસ્ટિનિયન કેદીઓને મુક્ત કરવામાં આવશે, જ્યારે હમાસ પણ આજે ત્રણ ઇઝરાયલી બંધકોને મુક્ત કરશે. આ અદલાબદલીનો છઠ્ઠો રાઉન્ડ હશે. એક દિવસ પહેલા, હમાસ આતંકવાદી જૂથે ત્રણ પુરુષ બંધકોના નામ જાહેર કર્યા હતા જેમને ગાઝા યુદ્ધવિરામ કરાર હેઠળ આજે મુક્ત કરવામાં આવશે. જે બાદ ઇઝરાયલે પુષ્ટિ આપી કે તેને ત્રણ બંધકોની યાદી મળી છે જેમને શનિવારે ગાઝા પટ્ટીમાં હમાસની કેદમાંથી મુક્ત કરવામાં આવશે.
Israel Hamas Ceasefire : હમાસ આ ત્રણ ઇઝરાયલી બંધકોને મુક્ત કરશે
શાશા ટ્રોફાનોવ (29)
સાગુઇ ડેકેલ-ચેને (36)
યાયર હોર્ન (46)
ઇઝરાયલી વડા પ્રધાન બેન્જામિન નેતન્યાહૂના કાર્યાલયે શરૂઆતમાં કહ્યું હતું કે આ યાદી “ઇઝરાયલને સ્વીકાર્ય” છે, પરંતુ નેતન્યાહૂના પ્રવક્તાએ પાછળથી સ્પષ્ટતા કરી કે ઇઝરાયલને હમણાં જ આ યાદી મળી છે. આ એક સંપૂર્ણપણે તથ્યપૂર્ણ નિવેદન છે અને આ બાબતે ઇઝરાયલી કોઈ પણ સ્થિતિને પ્રતિબિંબિત કરતું નથી. આ યાદી કતાર અને ઇજિપ્તના મધ્યસ્થીઓ દ્વારા ઇઝરાયલને સોંપવામાં આવી હતી.
Israel Hamas Ceasefire : 333 પેલેસ્ટિનિયન કેદીઓને ગાઝા પરત મોકલવામાં આવશે
મીડિયા રિપોર્ટ મુજબ 369 પેલેસ્ટિનિયન કેદીઓને મુક્ત કરવામાં આવશે. તેમાંથી, 333 ને ગાઝા પાછા મોકલવામાં આવશે. 10 અન્યને પશ્ચિમ કાંઠે તેમના ઘરે પરત મોકલવામાં આવશે અને એકને પૂર્વ જેરુસલેમમાં મુક્ત કરવામાં આવશે. જ્યારે બાકીના 25 કેદીઓને, જેમને આજીવન કેદની સજા ફટકારવામાં આવી છે,. તેમને કાં તો ગાઝા મોકલવામાં આવશે અથવા ઇજિપ્ત દ્વારા વિદેશમાં દેશનિકાલ કરવામાં આવશે.
આ સમાચાર પણ વાંચો: Israel Hamas Ceasefire: ઇઝરાયલનું ‘ટ્રમ્પ કાર્ડ’ કામ કરી ગયું! હુમલાની ચેતવણી મળતા જ હમાસ ઝૂક્યું, આ તારીખે બંધકોને કરશે મુક્ત…
જણાવી દઈએ કે 19 જાન્યુઆરીથી અમલમાં આવેલા યુદ્ધવિરામ કરાર હેઠળ ઇઝરાયલ અને હમાસ વચ્ચે કેદીઓની આપ-લેનો આ છઠ્ઠો બેચ હશે. જો ગાઝામાં “બધા બંધકો” ને શનિવાર બપોર સુધીમાં મુક્ત કરવામાં નહીં આવે તો યુદ્ધવિરામ રદ કરવામાં આવશે તેવી ચેતવણી યુએસ રાષ્ટ્રપતિ ડોનાલ્ડ ટ્રમ્પ દ્વારા આપવામાં આવ્યા બાદ વધી રહેલા તણાવ વચ્ચે આ મુક્તિ આવી છે. નેતન્યાહૂ અને ઇઝરાયલી સંરક્ષણ પ્રધાન ઇઝરાયલ કાત્ઝે ચેતવણીનો પુનરોચ્ચાર કરતા કહ્યું કે ઇઝરાયલ ગાઝા પર ફરીથી હુમલો કરશે. હમાસે સોમવારે જાહેરાત કરી હતી કે તે શનિવારે યોજાનાર બંધકોની મુક્તિમાં વિલંબ કરશે કારણ કે ઇઝરાયલે કરારનું ઉલ્લંઘન કર્યું હતું અને માંગ કરી હતી કે ઇઝરાયલ યુદ્ધવિરામ જાળવવાની તેની પ્રતિબદ્ધતાને ફરીથી પુષ્ટિ આપે.
Israel Hamas Ceasefire : અત્યાર સુધીમાં કેટલા બંધકો અને કેદીઓને મુક્ત કરવામાં આવ્યા છે?
19 જાન્યુઆરીએ યુદ્ધવિરામ શરૂ થયો ત્યારથી બંને પક્ષોએ પાંચ વખત બંધકો-કેદીઓની અદલાબદલી કરી છે. યુદ્ધવિરામના પહેલા તબક્કા દરમિયાન અત્યાર સુધીમાં 21 બંધકો અને 730 થી વધુ પેલેસ્ટિનિયન કેદીઓને મુક્ત કરવામાં આવ્યા છે.
7 ઓક્ટોબર 2023ના રોજ હમાસે ઇઝરાયલ પર હુમલો કર્યા પછી, 251બંધકોને કબજે કર્યા અને આશરે 1,200 લોકોની હત્યા કર્યા પછી યુદ્ધ શરૂ થયું. ગાઝાના હમાસ સંચાલિત આરોગ્ય મંત્રાલયના જણાવ્યા અનુસાર, ઇઝરાયલી હુમલાઓમાં ઓછામાં ઓછા 48,239 પેલેસ્ટિનિયનો માર્યા ગયા છે. સંયુક્ત રાષ્ટ્રનું કહેવું છે કે ઇઝરાયલી હુમલાઓમાં ગાઝાની લગભગ બે તૃતીયાંશ ઇમારતોને નુકસાન થયું છે અથવા નાશ પામ્યો છે.
