News Continuous Bureau | Mumbai
Israel-Hamas War: હાલમાં ગાઝા પટ્ટીમાં ઈઝરાયેલ અને હમાસના લડવૈયાઓ સામસામે છે. મિડીયા રિપોર્ટ અનુસાર, ગાઝામાં ( Gaza ) તેના સંભવિત લક્ષ્યોને ઓળખવા માટે ઇઝરાયેલી સેના દ્વારા લવંડર નામની AI સિસ્ટમનો ઉપયોગ કરવામાં આવ્યો છે. તમને જાણીને નવાઈ લાગશે કે આ AI સિસ્ટમે એક સમયે લગભગ 37,000 પેલેસ્ટિનિયનોના હમાસ સાથે સંભવિત જોડાણની પુષ્ટિ કરી હતી.
ઈઝરાયેલનું કહેવું છે કે લવંડરે AI સિસ્ટમે અમારો ધ્યેય આસાન બનાવવામાં ખૂબ મહત્વની ભૂમિકા ભજવી છે. આટલું જ નહીં, તે કહે છે કે AI સિસ્ટમના કારણે તે આતંકવાદી જૂથો સાથે શંકાસ્પદ વ્યક્તિઓની લિંકને પણ ઝડપથી શોધી શક્યા છે.
ધ ગાર્ડિયનમાં જણાવવામાં આવ્યું છે કે લેવેન્ડરે ( lavender ) આતંકવાદીઓને ઓળખી કાઢ્યા બાદ ઈઝરાયેલના અધિકારીઓએ તેમને મોટી સંખ્યામાં માર્યા હતા. આ પ્રક્રિયા ખાસ કરીને યુદ્ધના શરૂઆતના મહિનાઓમાં જોવા મળી હતી.
લવંડરને ઇઝરાયેલના વિશિષ્ટ યુનિટ 8200 ઇન્ટેલિજન્સ ડિવિઝન દ્વારા વિકસાવવામાં આવ્યું હતું..
લવંડરને ઇઝરાયેલના ( Israel ) વિશિષ્ટ યુનિટ 8200 ઇન્ટેલિજન્સ ડિવિઝન ( Intelligence Division ) દ્વારા વિકસાવવામાં આવ્યું હતું. આ ગુપ્તચર વિભાગ બ્રિટનની GCHQ અને અમેરિકાની રાષ્ટ્રીય સુરક્ષા એજન્સી માટે સમાન મહત્વ ધરાવે છે.
આ સમાચાર પણ વાંચો : Lok sabha Election 2024: આ વર્ષમાં ભારત સહિત 70 દેશોમાં ચૂંટણી યોજાશે; 49 ટકા વસ્તી નવી સરકારને પસંદ કરશે..
ધ ગાર્ડિયન, ગુપ્તચર સૂત્રોને ટાંકીને લખ્યું છે કે શરૂઆતમાં હમાસ લડવૈયાઓને ( Hamas fighters ) નિશાન બનાવતી વખતે લગભગ 15 કે 20 લોકોને મારવાની પરવાનગી આપવામાં આવી હતી. તેમની જગ્યાઓ પર અનગાઇડેડ હથિયારોથી હુમલો કરવામાં આવ્યો હતો, જેને ‘ડમ્બ બોમ્બ’ કહેવામાં આવતા હતા.
અન્ય એક અધિકારીએ વાતચીત દરમિયાન કહ્યું કે તમે નાગરિક વિસ્તારોમાં તમારા મોંઘા બોમ્બને વેડફવા માંગતા નથી. આ વિસ્ફોટક સામગ્રી ખૂબ ખર્ચાળ છે. હાલમાં આની અછત છે.
