News Continuous Bureau | Mumbai
Israel-Hamas War: ગાઝા ( Gaza ) માં ઇઝરાયેલ ( israel ) ના હુમલાને કારણે 11,240 લોકોના મોત થયા છે. જેમાં 4630 બાળકોનો સમાવેશ થાય છે. ગાઝા પર હુમલાના કેટલાક દિવસો બાદ ઈઝરાયેલના સંરક્ષણ મંત્રી યોવ ગેલન્ટે ( yoav gallant ) દાવો કર્યો છે કે હમાસે ગાઝા પરનું નિયંત્રણ ગુમાવી દીધું છે.
એએફપીના અહેવાલ અનુસાર, ઇઝરાયલના સંરક્ષણ પ્રધાને ( Defence Minister ) કહ્યું, “હમાસ હવે ગાઝાની પટ્ટી પર નિયંત્રણ ગુમાવી ચૂક્યું છે જેના પર તેણે 16 વર્ષથી કબજો જમાવ્યો હતો. હમાસના આતંકવાદીઓ ( Hamas terrorists ) દક્ષિણ તરફ ભાગી રહ્યા છે. હમાસના ટાર્ગેટોને નાગરિકો દ્વારા નષ્ટ કરી દેવામાં આવ્યા છે. તેઓ લૂંટ ચલાવી રહ્યા છે.” ” ગેલન્ટે કોઈપણ પુરાવા વિના કહ્યું કે ગાઝાના નાગરિકોને સરકાર (હમાસ સરકાર)માં કોઈ વિશ્વાસ નથી.
ગાઝાની સૌથી મોટી હોસ્પિટલ અલ-શિફા કેટલાક દિવસોથી યુદ્ધનું કેન્દ્ર બની છે. ઈઝરાયેલ પર આ હોસ્પિટલ પર હુમલો કરવાનો આરોપ લગાવવામાં આવી રહ્યો છે. જો કે ઈઝરાયેલની સેનાએ દાવો કર્યો છે કે તે હોસ્પિટલની આસપાસ હમાસના લડવૈયાઓને નિશાન બનાવી રહી છે. સેનાએ દાવો કર્યો છે કે હમાસ હોસ્પિટલની નીચે તેનું કમાન્ડ સેન્ટર ચલાવી રહ્યું છે.
અલ શિફા હોસ્પિટલ પર થયેલા હુમલાને કારણે 6 પ્રિમેચ્યોર બાળકોના મોત થયા…
વર્લ્ડ હેલ્થ ઓર્ગેનાઈઝેશનની માહિતી અનુસાર ઈઝરાયેલના હુમલામાં હોસ્પિટલની ત્રણ નર્સોના મોત થયા છે. હમાસના આરોગ્ય મંત્રાલયની માહિતી અનુસાર, અલ શિફા હોસ્પિટલ પર થયેલા હુમલાને કારણે 6 પ્રિમેચ્યોર બાળકોના મોત થયા છે. સ્વાસ્થ્ય મંત્રાલયે કહ્યું છે કે બાળકોના મોત પાછળનું કારણ ઈંધણ અને વીજળીનો અભાવ હતો. આ ઘટાડો ઈઝરાયેલના હુમલાને કારણે થયો છે.
આ સમાચાર પણ વાંચોઃ ICC World Cup 2023 Semifinal: મુંબઈમાં વર્લ્ડ કપની સેમિ-ફાઇનલ મેચની ટિકિટોની કાળાબજારી, મલાડથી યુવક પકડાયો.. જાણો વિગતે..
હમાસના સ્વાસ્થ્ય મંત્રાલય દ્વારા આપવામાં આવેલી માહિતી અનુસાર, હોસ્પિટલમાં ઓછામાં ઓછા 2300 લોકો છે. તેમની વચ્ચે 650 દર્દીઓ છે. હોસ્પિટલમાં 200 થી 500 કર્મચારીઓ છે, જ્યારે 1500 વિસ્થાપિત લોકોએ હોસ્પિટલમાં જ આશ્રય લીધો છે.
હોસ્પિટલમાં 30 જેટલા નવજાત બાળકો પણ છે. નવજાત બાળકોએ વિશ્વભરનું ધ્યાન આકર્ષિત કર્યું છે. અલ શિફા હોસ્પિટલના ડૉક્ટરોએ નવજાત શિશુઓને ઈજિપ્ત લઈ જવાની અપીલ કરી છે જેથી તેમની સારવાર થઈ શકે.
