Israel-Hamas war : ઈઝરાયલ અને હમાસ વચ્ચે ફરી છેડાઇ જંગ, સીઝફાયર સમાપ્ત, કરાયા હવાઈ હુમલા, માત્ર 3 કલાકમાં આટલા લોકોના મોત…

Israel-Hamas war :આ યુદ્ધવિરામ એક સપ્તાહ પહેલા એટલે કે 24 નવેમ્બરે શરૂ કરવામાં આવ્યો હતો. શરૂઆતમાં તે ચાર દિવસ માટે હતું અને પછી કતાર અને ભાગીદાર મધ્યસ્થી ઇજિપ્તની મદદથી તેને બે દિવસ અને પછી વધુ એક દિવસ માટે લંબાવવામાં આવ્યું હતું.

by kalpana Verat
Israel-Hamas war Israeli airstrikes kill 32 people in Gaza, says Hamas-controlled

News Continuous Bureau | Mumbai

Israel-Hamas war : ઈઝરાયલ અને હમાસ વચ્ચે યુદ્ધવિરામ કરાર સમાપ્ત થયા બાદ ફરી એકવાર લડાઈ શરૂ થઈ છે. આ પહેલા ઈઝરાયેલ અને હમાસ વચ્ચે એક સપ્તાહ સુધી યુદ્ધવિરામ ( ceasefire ) ચાલી રહ્યો હતો. હવે ફરી એકવાર યુદ્ધ શરૂ થયું છે. ઇઝરાયેલી સેનાએ ( Israeli army ) સોશિયલ મીડિયા પ્લેટફોર્મ X પર ટ્વીટ કરીને આ વાતની પુષ્ટિ કરી છે.

મીડિયા રિપોર્ટ મુજબ, IDFએ ગાઝામાં ( Gaza ) બોમ્બમારો શરૂ કરી દીધો છે. ઈઝરાયેલના હોલિત વિસ્તારમાં રોકેટ એલર્ટ ( airstrikes ) જારી કરવામાં આવ્યું છે. IDFએ હમાસ પર યુદ્ધવિરામના ઉલ્લંઘનનો આરોપ લગાવ્યો છે.

મળતી માહિતી મુજબ, સાત દિવસ સુધી ચાલેલા આ કરારમાં ગુરુવાર સુધી હમાસે ઈઝરાયેલના 110 બંધકોને મુક્ત કર્યા હતા. આ પછી, આ કરાર શુક્રવારે (1 ડિસેમ્બર) ના રોજ સમાપ્ત થયો.

ગાઝા પટ્ટીમાં હમાસ સામે લડાઈ ફરી શરૂ કરી

ઈઝરાયેલી સેનાએ એક નિવેદન જારી કરીને આ અંગે જાણકારી આપી છે. કહ્યું કે તેણે ગાઝા પટ્ટીમાં હમાસ સામે લડાઈ ફરી શરૂ કરી છે. આ સાથે જ ઈઝરાયેલ આર્મીએ દાવો કર્યો છે કે પહેલા હમાસે ઈઝરાયેલ વિસ્તારમાં ફાયરિંગ કરીને યુદ્ધવિરામનું ઉલ્લંઘન કર્યું હતું. આવી સ્થિતિમાં ઈઝરાયલે ગાઝામાંથી છોડેલા રોકેટને તોડી પાડ્યું હતું. એવી આશા હતી કે યુદ્ધવિરામ આગળ વધી શકશે. પરંતુ આ થઈ શક્યું નહીં.

એક સપ્તાહ પહેલા શરૂ થયું યુદ્ધવિરામ

મહત્વનું છે કે યુદ્ધવિરામ શુક્રવારે સવારે 7 વાગ્યે (આંતરરાષ્ટ્રીય સમય મુજબ 5 વાગ્યે) સમાપ્ત થયો હતો. આ યુદ્ધવિરામ એક સપ્તાહ પહેલા એટલે કે 24 નવેમ્બરે શરૂ કરવામાં આવ્યો હતો. શરૂઆતમાં તે ચાર દિવસ માટે હતું અને પછી કતાર અને ભાગીદાર મધ્યસ્થી ઇજિપ્તની મદદથી તેને બે દિવસ અને પછી વધુ એક દિવસ માટે લંબાવવામાં આવ્યું હતું. હમાસ અને ગાઝાના અન્ય જૂથોએ એક અઠવાડિયા સુધી ચાલેલા યુદ્ધવિરામ દરમિયાન 100 થી વધુ બંધકોને મુક્ત કર્યા હતા, જેમાંથી મોટાભાગના ઇઝરાયેલીઓ હતા. બદલામાં, 240 પેલેસ્ટિનિયનોને ઇઝરાયેલની જેલમાંથી મુક્ત કરવામાં આવ્યા હતા. ઇઝરાયેલની સેનાએ હમાસ ( Hamas ) પર યુદ્ધવિરામના ઉલ્લંઘનનો આરોપ લગાવ્યો છે. તેણે કહ્યું છે કે યુદ્ધવિરામ સમાપ્ત થયા પછી તેણે હુમલા શરૂ કર્યા.

આ સમાચાર પણ વાંચો : Nothing Phone 2a : ઓપ્પો અને વિવો સાથે સ્પર્ધા કરવા ‘નથિંગ’ લાવી રહ્યો છે સસ્તો ફોન, ઉપલબ્ધ હશે આ ધાંસુ ફીચર્સ..

હમાસે અચાનક ઈઝરાયેલ પર હુમલો કર્યો

ઉલ્લેખનીય છે કે 7 ઓક્ટોબરે હમાસના ફાઈટર પ્લેન્સે અચાનક ઈઝરાયેલ પર હુમલો કર્યો હતો, જેમાં લગભગ 1400 લોકો માર્યા ગયા હતા. આ સાથે હમાસના લડવૈયાઓએ 240 લોકોને બંધક બનાવ્યા હતા. આ હુમલા બાદથી ઇઝરાયેલ હમાસના ટાર્ગેટ પર હુમલો કરી રહ્યું છે, જેમાં 5000થી વધુ લોકો માર્યા ગયા છે. જો કે ગયા શુક્રવારે બંને વચ્ચે ચાર દિવસના યુદ્ધવિરામને લઈને સમજૂતી થઈ હતી. જે કુલ સાત દિવસ સુધી ચાલ્યો હતો.

You Might Be Interested In
Join Our WhatsApp Community

About News Continues

News Continuous is created to spread authentic, accurate and correct news across platforms. This news venture is managed by experienced journalists. Drop an email for collaborations.

Newsletter

Subscribe to our Newsletter to get the latest news updates.

To explore your career & collaborate with us pls write to us on following email id [email protected]

@2023 – All Right Reserved. 

This website uses cookies to improve your experience. We'll assume you're ok with this, but you can opt-out if you wish. Accept Read More