News Continuous Bureau | Mumbai
Israel Hezbollah Tension: લેબનોનમાં પેજર અને વોકી-ટોકીમાં થયેલા વિસ્ફોટ બાદ કતારે મોટો નિર્ણય લીધો છે. કતાર એરવેઝે લેબનોનથી ઉડતા તમામ મુસાફરોને પેજર અને વોકી-ટોકી લઈ જવા પર પ્રતિબંધ મૂક્યો છે. લેબનોનમાં પેજર અને વોકી-ટોકીમાં થયેલા હજારો વિસ્ફોટોએ સમગ્ર વિશ્વમાં ખળભળાટ મચાવી દીધો છે. આ વિસ્ફોટોમાં 32 લોકોના મોત થયા છે, જ્યારે 2800થી વધુ લોકો ઘાયલ થયા છે.
હકીકતમાં, મંગળવાર, 17 સપ્ટેમ્બરના રોજ, લેબનોનમાં ઘણી જગ્યાએ પેજર ફાટયા હતા. આ વિસ્ફોટોમાં એક બાળક સહિત 12 લોકો માર્યા ગયા હતા. બીજા દિવસે, બુધવાર, 18મી સપ્ટેમ્બરે, વોકી-ટોકી ઉપકરણોમાં શ્રેણીબદ્ધ વિસ્ફોટો થયા.
Israel Hezbollah Tension: મુસાફરોને પેજર અને વોકી-ટોકી લઇ જવા પર પ્રતિબંધ
કતાર એરવેઝે કહ્યું કે પ્રતિબંધ કેરી-ઓન લગેજ પર પણ લાગુ પડે છે. કતાર એરવેઝના એક નિવેદન અનુસાર, લેબનોનના ડિરેક્ટોરેટ જનરલ ઓફ સિવિલ એવિએશનની સૂચનાને પગલે, બેરૂત રફિક હેરિલ ઇન્ટરનેશનલ એરપોર્ટથી ઉડતા તમામ મુસાફરોને પેજર અને વોકી-ટોકી લઇ જવા પર પ્રતિબંધ મૂકવામાં આવ્યો છે. મીડિયા રિપોર્ટ અનુસાર, ગઈકાલ સુધી આ હુમલામાં 42 લોકોના મોત થયા છે, જ્યારે 4500થી વધુ લોકો ઘાયલ થયા છે.
Israel Hezbollah Tension: સોલર સિસ્ટમમાં પણ વિસ્ફોટ
લેબનોનની રાજધાની બેરૂતના ઘણા વિસ્તારોમાં સોલાર સિસ્ટમમાં વિસ્ફોટના અહેવાલો પણ મળ્યા હતા. આમાંથી એક વિસ્ફોટ હિઝબુલ્લાહ સાંસદ અલી અમ્મરના પુત્રના અંતિમ સંસ્કાર દરમિયાન થયો હતો. 17 સપ્ટેમ્બરે પેજરમાં થયેલા બ્લાસ્ટમાં તેનું મોત થયું હતું. લેબનોનમાં હિઝબોલ્લાહ લડવૈયાઓ એકબીજા સાથે વાતચીત કરવા માટે આ વોકી-ટોકીનો ઉપયોગ કરે છે.
આ સમાચાર પણ વાંચો : Tirupati Laddu row: તિરુપતિ લાડુ વિવાદ પર સ્વાસ્થ્ય મંત્રી નડ્ડાનું મોટું નિવેદન;કહ્યું- CM નાયડુ સાથે વાત કરી, FSSAI કરશે તપાસ…
Israel Hezbollah Tension: ઈઝરાયેલ જવાબદાર?
હિઝબુલ્લાએ લેબનોનમાં થયેલા શ્રેણીબદ્ધ વિસ્ફોટો માટે ઈઝરાયેલને જવાબદાર ગણાવ્યું છે. જો કે, હજુ સુધી ઇઝરાયેલે લેબેનોનમાં થયેલા બંને વિસ્ફોટો પર કોઈ પ્રતિક્રિયા વ્યક્ત કરી નથી. મળતી માહિતી મુજબ, આજે હિઝબુલ્લાના નેતા હસન નસરાલ્લાહ તેના લડવૈયાઓને સંબોધિત કરશે અને આગળની યોજનાઓ પર પણ વિચાર કરી શકે છે.
