News Continuous Bureau | Mumbai
Israel-Hezbollah war : લેબનોનમાં પેજર બ્લાસ્ટ બાદ હવે ઇઝરાયલ અને હિઝબુલ્લાહ વચ્ચેનું યુદ્ધ વધુ ભીષણ બની ગયું છે. ઇઝરાયેલની સેનાએ શુક્રવારે ગીચ વસ્તીવાળા દહિયાહ શહેરમાં હિઝબુલ્લાહના હેડક્વાર્ટર અને હથિયારોના ડેપોને નિશાન બનાવીને હુમલો કર્યો હતો. આ હુમલા બાદ હિઝબુલ્લાના નેતા હસન નસરાલ્લાહને ઈઝરાયેલ દ્વારા મૃત જાહેર કરવામાં આવ્યો છે.
Israel-Hezbollah war : હિઝબુલ્લાના મહાસચિવ ‘સલામત’
જોકે, હિઝબુલ્લાહ દ્વારા આ વાતની પુષ્ટિ કરવામાં આવી નથી. નસરાલ્લાહના નજીકના સૂત્રએ તેમના મૃત્યુને નકારી કાઢતા કહ્યું – ‘હિઝબુલ્લાના મહાસચિવ ‘સલામત’ છે. ઇઝરાયેલી સેનાએ કહ્યું, ‘દક્ષિણ લેબનોનમાં હિઝબુલ્લાહના મિસાઇલ યુનિટના કમાન્ડર મોહમ્મદ અલી ઇસ્માઇલ અને તેના ડેપ્યુટી હોસૈન અહેમદ ઇસ્માઇલ બંને માટે રમત સમાપ્ત થઈ ગઈ છે. હિઝબુલ્લાહ વિરુદ્ધ ઈઝરાયેલના હુમલામાં લેબનોનમાં એક સપ્તાહમાં 700થી વધુ લોકો માર્યા ગયા છે. રિપોર્ટ અનુસાર, બેરૂતમાં શનિવારે સૂર્યોદય પહેલા અલગ-અલગ વિસ્તારોમાં 20 થી વધુ હવાઈ હુમલાઓ સંભળાયા હતા. અને હજુ પણ બેરૂતમાં સતત ભારે બોમ્બમારો ચાલુ છે.
Israel-Hezbollah war : હસન નસરાલ્લાહને નિશાન બનાવવા માટે હુમલા
ઈઝરાયેલની મોટી ટીવી ચેનલો અનુસાર, આ હુમલા હિઝબુલ્લાના નેતા હસન નસરાલ્લાહને નિશાન બનાવવા માટે કરવામાં આવ્યા હતા. ઈઝરાયેલના આ હુમલાનો હિઝબુલ્લાહ પણ જવાબ આપી રહ્યું છે. મીડિયા રિપોર્ટ્સમાં એવી માહિતી છે કે હિઝબુલ્લાએ 1 મિનિટમાં 30 રોકેટ પણ છોડ્યા છે.
આ સમાચાર પણ વાંચો : October 2024 bank holidays: દશેરાથી દિવાળી સુધી ઓક્ટોબર મહિનામાં છે રજાઓની ભરમાર, આટલા દિવસ બેંકો રહેશે બંધ; ચેક કરો યાદી..
Israel-Hezbollah war : 1 મિનિટમાં ત્રીસ, અડધા કલાકમાં 65 રોકેટ
હિઝબોલ્લાહના હેડક્વાર્ટર પરના હુમલાના જવાબમાં, હિઝબુલ્લાએ ઉત્તરી ઇઝરાયેલમાં સંખ્યાબંધ રોકેટ છોડ્યા. ઉત્તરી ઈઝરાયેલના નિહારિયામાં ઘણી જગ્યાએ રોકેટ અને મિસાઈલ સાયરન વાગી રહ્યા છે. મીડિયા રિપોર્ટ્સમાં કહેવામાં આવ્યું છે કે હિઝબુલ્લાએ 1 મિનિટમાં 30 અને અડધા કલાકમાં 65 રોકેટ છોડ્યા હતા.
