News Continuous Bureau | Mumbai
પોતાની એરસ્પેસમાં જાસૂસી બલૂન અને શંકાસ્પદ વસ્તુઓ મળી આવ્યા બાદ અમેરિકન સરકાર અત્યંત સતર્ક બની ગઈ છે. જોખમની અનુભૂતિ કરતા, રાષ્ટ્રપતિ જો બાઇડને યુએસ ગુપ્તચર સમુદાયને ચીનની ગુપ્તચર ક્ષમતાઓનું વ્યાપક મૂલ્યાંકન કરવા માટે નિર્દેશ આપ્યો છે. રાષ્ટ્રપતિએ અધિકારીઓને કહ્યું કે ચીનની ગુપ્તચર એજન્સીઓની ક્ષણેક્ષણની ગતિવિધિઓ પર નજર રાખે. તમને જણાવી દઈએ કે 4 ફેબ્રુઆરીના રોજ અમેરિકી ફાઈટર જેટે સાઉથ કેરોલિનાના દરિયાકાંઠે ચીનના એક શંકાસ્પદ જાસૂસ બલૂનને તોડી પાડ્યા બાદ બંને દેશો વચ્ચે ફરી એકવાર તણાવ વધી ગયો છે. અમેરિકા ચીન પર અન્ય દેશોની જાસૂસી કરવાનો આરોપ લગાવી રહ્યું છે.
તાજેતરમાં અમેરિકામાં બલૂન દેખાવાની ત્રણ ઘટનાઓ
અમેરિકામાં તાજેતરના દિવસોમાં બલૂન દેખાવાની ત્રણ ઘટનાઓ બની છે. યુએસ એફ-22 ફાઇટર જેટે 4 ફેબ્રુઆરીના રોજ કેનેડા પર એક અજાણી નળાકાર વસ્તુને તોડી પાડી, તેના એક દિવસ પછી અલાસ્કાના પાણીની નજીક અન્ય સમાન વસ્તુને તોડી પાડવામાં આવી, અને એક અઠવાડિયા પછી યુએસ સૈન્યએ એક શંકાસ્પદ ચાઇનીઝ સર્વેલન્સ બલૂનને દક્ષિણ કેરોલિના કોસ્ટથી નીચે તોડી પાડ્યું હતું.
બાઇડને વર્ષ 2021માં પણ સૂચનાઓ જારી કરી હતી
વ્હાઇટ હાઉસ ખાતે નેશનલ સિક્યુરિટી કાઉન્સિલના વ્યૂહાત્મક સંચારના સંયોજક જ્હોન કિર્બીએ જણાવ્યું હતું કે જ્યારે રાષ્ટ્રપતિ બાઇડને 2021 માં કાર્યાલયમાં આવ્યા, ત્યારે જ તેમણે યુએસ ગુપ્તચર સમુદાયને ચીની ગુપ્તચર ક્ષમતાઓનું વ્યાપક મૂલ્યાંકન કરવા માટે નિર્દેશ આપ્યો હતો. અને અમે લોકો એ સમયથી જ તેના પર કામ કરી રહ્યા હતા પરંતુ રાષ્ટ્રપતિએ ફરી એકવાર અમને સૂચના આપી છે.
આ સમાચાર પણ વાંચો: ‘પાકિસ્તાનમાં પઠાણનું એડવાન્સ બુકિંગ હિન્દુસ્તાની પઠાણ કરતા વધુ…” PAK એન્કરે પોતાના દેશની હાલત પર કર્યો કટાક્ષ
આના પર હવે આગળ જાહેરમાં તેની ચર્ચા નહીં કરીએ: જોન કિર્બી
જોન કિર્બીએ કહ્યું કે અમે આ મુદ્દા પર હવે જાહેરમાં કોઈ પણ પ્રકારની ચર્ચા કરીશું નહીં. અમે અમે વિદેશી ગુપ્તચર સંગ્રહના પ્રયાસોને કેવી રીતે શોધીએ છીએ અને તેનો સામનો કરીએ છીએ, એના પર પણ કોઈ ખુલાસો નહીં કરીએ કારણ કે અમે જે કર્યું છે અને કરી રહ્યા છીએ તે ચોક્કસપણે સંવેદનશીલ છે. પરંતુ અમે એ નિર્ધારિત કરવામાં સક્ષમ હતા કે ચીન પાસે ગુપ્ત માહિતી સંગ્રહ માટે ઉચ્ચ ઊંચાઈનો બલૂન પ્રોગ્રામ છે જે પીપલ્સ લિબરેશન આર્મી સાથે જોડાયેલો છે.
અગાઉની સરકાર તેને શોધી શકી ન હતી: જ્હોન કિર્બી
જોન કિર્બીએ જણાવ્યું કે તે અગાઉના વહીવટીતંત્ર દરમિયાન કામ કરી રહ્યા હતા, પરંતુ તેઓ આને શોધી ન શકી. અમે તેને શોધી કાઢ્યું. અમે તેને ટ્રેક કર્યો. અમે બને તેટલું શીખવા માટે તેનો કાળજીપૂર્વક અભ્યાસ કરી રહ્યા છીએ. અમે જાણીએ છીએ કે આ PRC (પીપલ્સ રિપબ્લિક ઑફ ચાઇના) સર્વેલન્સ બલૂન્સ વિશ્વભરના ઘણા બહુવિધ ખંડોના ડઝનબંધ દેશોને પાર કરી ચૂક્યા છે, જેમાં અમારા કેટલાક નજીકના સાથીઓ અને ભાગીદારોનો સમાવેશ થાય છે.
આ સમાચાર પણ વાંચો: 31 માર્ચ સુધીમાં LIC પોલિસીને PAN સાથે જરૂર કરી લો લિંક, નહીં તો પછીથી પડશે મુશ્કેલી, શીખી લો સ્ટેપ બાય સ્ટેપ પદ્ધતિ
