News Continuous Bureau | Mumbai
President Joe Biden :અમેરિકી રાષ્ટ્રપતિ જો બિડેને ગેરકાયદેસર બંદૂક રાખવા અને આવકવેરા ચોરીના કેસમાં તેમના પુત્રને માફ કરી દીધો છે. રાષ્ટ્રપતિ બિડેને એક નિવેદન જારી કરીને આ અંગેની માહિતી આપી છે. જો કે, બિડેન દ્વારા લેવામાં આવેલા આ નિર્ણયને તેમના અગાઉના વચન પર યુ-ટર્ન કહેવામાં આવી રહ્યું છે. જેમાં તેમણે કહ્યું હતું કે તેઓ તેમના પ્રમુખપદની સત્તાનો ઉપયોગ તેમના પરિવારના લાભ માટે નહીં કરે.
President Joe Biden :જો બિડેને સત્તાવાર નિવેદન જારી કર્યું
રાષ્ટ્રપતિ બિડેને એક નિવેદન જારી કરીને કહ્યું કે આજે મેં મારા પુત્ર હન્ટરને માફ કરી દીધો છે. જ્યારથી મેં રાષ્ટ્રપતિ પદ સંભાળ્યું છે ત્યારથી મેં કહ્યું છે કે હું ન્યાય વિભાગના નિર્ણયોમાં દખલ નહીં કરીશ અને મેં આ વચન પાળ્યું છે. પરંતુ મેં જોયું કે મારા પુત્રને નિશાન બનાવવામાં આવી રહ્યો છે અને અન્યાયી રીતે કાર્યવાહી કરવામાં આવી રહી છે. તેમના પર લગાવવામાં આવેલા આરોપો રાજકીય રીતે પ્રેરિત હતા.
President Joe Biden : અમેરિકનો સમજી શકશે કે..
બિડેને કહ્યું કે કોઈપણ સમજદાર વ્યક્તિ જે હન્ટરના કેસને અનુસરશે તે સમજી શકશે કે તેને જાણી જોઈને નિશાન બનાવવામાં આવ્યો હતો. બિડેને કહ્યું કે તેણે આ સપ્તાહના અંતમાં જ આ નિર્ણય લીધો છે. મને લાગે છે કે અમેરિકનો સમજી શકશે કે પિતા અને રાષ્ટ્રપતિએ આ નિર્ણય કેમ લીધો.
આ સમાચાર પણ વાંચો : Maharashtra CM Race : ‘લોકો ઇચ્છે છે કે હું મહારાષ્ટ્રનો CM…’ હવે શું છે એકનાથ શિંદેનો પ્લાન, સરકાર બનાવતા પહેલા કર્યો મોટો દાવો.
President Joe Biden : બિડેનના પુત્ર હન્ટર સામે શું આરોપ છે?
અમેરિકી રાષ્ટ્રપતિ જો બિડેનના પુત્ર જોસેફ હન્ટર બિડેન પર કરચોરી, ગેરકાયદેસર હથિયાર રાખવા, સરકારી નાણાનો દુરુપયોગ અને ખોટી જુબાની આપવાનો આરોપ છે. ઉલ્લેખનીય છે કે હંટરે ડેલવેર કોર્ટમાં કરચોરી અને ગેરકાયદેસર હથિયાર રાખવાની કબૂલાત કરી હતી.
