News Continuous Bureau | Mumbai
ઈરાન અને ઈઝરાયેલ વચ્ચેના યુદ્ધની જ્વાળાઓ હવે કતરના ઉર્જા ક્ષેત્રને દઝાડી રહી છે. કતર એનર્જીના સીઈઓ સાદ અલ-કાબીએ એક ચોંકાવનારું નિવેદન આપતા જણાવ્યું છે કે ઈરાની મિસાઈલ હુમલાઓએ કતરની એલએનજી (LNG) નિકાસ ક્ષમતાનો ૧૭% હિસ્સો નષ્ટ કરી દીધો છે. આ તબાહીને કારણે ભારત અને ચીન સહિતના એશિયાઈ અને યુરોપિયન દેશોમાં આગામી ૫ વર્ષ સુધી ગેસનો પુરવઠો ખોરવાઈ શકે છે.
૨૦ અબજ ડોલરનું નુકસાન અને ‘ફોર્સ મેજ્યોર’ (Force Majeure) ની સ્થિતિ
કતર એનર્જીના જણાવ્યા અનુસાર, હુમલામાં કતરની ૧૪ એલએનજી ટ્રેનોમાંથી ૨ ટ્રેનો અને ૨ ગેસ-ટુ-લિક્વિડ (GTL) સુવિધાઓમાંથી ૧ ને ગંભીર નુકસાન થયું છે. આ વિનાશને કારણે કતરને વાર્ષિક અંદાજે ૨૦ અબજ ડોલરનું (20 Billion USD) મહેસૂલ નુકસાન થશે. ઉત્પાદન ખોરવાતા કતરે ઈટાલી, બેલ્જિયમ, દક્ષિણ કોરિયા અને ચીન સાથેના લાંબાગાળાના કોન્ટ્રાક્ટ્સ પર ‘ફોર્સ મેજ્યોર’ (અપ્રત્યાશિત ઘટના) જાહેર કરવી પડશે. રિપેરિંગ કામમાં ૩ થી ૫ વર્ષનો સમય લાગવાની શક્યતા છે.
આ સમાચાર પણ વાંચો : India China Border Trade: ભારત અને ચીન વચ્ચે નવી શરૂઆત: ૬ વર્ષથી બંધ ‘તાળું’ ખુલશે, લિપુલેખ બોર્ડર (Lipulekh Border) થી જૂન મહિનાથી વેપાર શરૂ થશે
ભારત પર કેવી થશે અસર? (Impact on India)
ભારત તેની એલએનજી જરૂરિયાત માટે મોટાપાયે કતર પર નિર્ભર છે. કતરની નિકાસ ક્ષમતામાં ઘટાડો થવાથી ભારતમાં ઉર્જા સંકટ (Energy Crisis) સર્જાઈ શકે છે. ખાસ કરીને પાવર પ્લાન્ટ્સ અને ફર્ટિલાઈઝર ઉદ્યોગોમાં ગેસની અછત વર્તાશે, જેનાથી ઉત્પાદન ખર્ચ વધશે અને સામાન્ય જનતા પર મોંઘવારીનો બોજ વધી શકે છે. સાદ અલ-કાબીએ કહ્યું કે જ્યાં સુધી યુદ્ધ (Hostility) સમાપ્ત નહીં થાય ત્યાં સુધી રિપેરિંગ કામ શરૂ કરવું પણ મુશ્કેલ છે.
અમેરિકી અને બ્રિટિશ ઓઈલ કંપનીઓની ભાગીદારી (Global Stakes)
ક્ષતિગ્રસ્ત થયેલા પ્લાન્ટ્સમાં અમેરિકી કંપની એક્સનમોબિલ (ExxonMobil) અને બ્રિટિશ કંપની શેલ (Shell) ની મોટી ભાગીદારી છે. એક્સનમોબિલ ટ્રેન S4 માં ૩૪% અને ટ્રેન S6 માં ૩૦% હિસ્સો ધરાવે છે. આ હુમલાએ સમગ્ર મધ્ય-પૂર્વના ઉર્જા ક્ષેત્રને ૧૦ થી ૨૦ વર્ષ પાછળ ધકેલી દીધું હોવાનું મંત્રીએ જણાવ્યું હતું. રમઝાનના પવિત્ર મહિનામાં એક મુસ્લિમ દેશ દ્વારા થયેલા આ હુમલાથી કતર ભારે આઘાતમાં છે.
