ન્યુઝ કન્ટિન્યુઝ બ્યુરો
મુંબઈ, 30 નવેમ્બર, 2021
મંગળવાર
વિશ્વ હાલમાં કોરોનાના નવા પ્રકારને લઈને ચિંતિત છે. ઓમિક્રોન વાયરસ કેટલું ઘાતક છે કે નહિ તેની ચર્ચા થઈ રહી છે. એવામાં ઓમિક્રોનનો પહેલો ફોટો સામે આવ્યો છે. ઇટલીની એક યુનિવર્સિટીએ આ વાયરસનો ફોટો જાહેર કર્યો છે.
નવા વાયરસનું સ્વરૂપ કેવું દેખાય છે, તે શરીરના કયા ભાગોમાં પ્રવેશે છે, કયા અવયવોને નષ્ટ કરે છે, તેના લક્ષણો શું છે વગેરે અભ્યાસ કરવા માટે નવા વાયરસના ફોટોગ્રાફ્સનો ઉપયોગ કરવામાં આવશે. આ ફોટોનો ઉપયોગ વિશ્વમાં નવા ઓમિક્રાન સંકટના સ્વરૂપને સમજવા માટે પણ કરવામાં આવશે.
ઓમિક્રોન નામના નવા વાયરસનો આ ફોટો ચોંકાવનારી બાબતોનો ખુલાસો કરે છે. મોટાભાગના મ્યુટેશન માનવ કોષો સાથે ક્રિયાપ્રતિક્રિયા કરતા જોવા મળ્યા છે. તેથી શરીર તેમને કેવી રીતે પ્રતિક્રિયા આપે છે અથવા કોરોનાનો આ નવો વાયરસ શરીરના અન્ય ભાગોને કેવી રીતે અસર કરે છે તેનો અભ્યાસ કરવાનું બાકી છે, પરંતુ આ ફોટો તેના અભ્યાસને વેગ આપશે.
બોત્સ્વાના, દક્ષિણ આફ્રિકા અને હોંગકોંગમાં મળી આવેલા ઓમિક્રોન દર્દીઓના અભ્યાસ બાદ આ ફોટો લેવામાં આવ્યો હતો.
