News Continuous Bureau | Mumbai
Times Square Firing અમેરિકાના ન્યૂયોર્ક શહેરમાં આવેલા વિશ્વપ્રસિદ્ધ ટાઇમ્સ સ્ક્વેર (Times Square) ખાતે એકાએક થયેલા અંધાધૂંધ ફાયરિંગના કારણે ભારે નાસભાગ અને અફરાતફરી મચી ગઈ હતી. નેશનલ બાસ્કેટબોલ એસોસિએશન (NBA) ચેમ્પિયનશિપમાં ન્યૂયોર્ક નિક્સ (New York Knicks) ની ઐતિહાસિક જીતનો જશ્ન મનાવવા માટે હજારોની સંખ્યામાં લોકો લોઅર મેનહટનની સડકો પર ઉતરી આવ્યા હતા, તે જ સમયે આ હિંસક ઘટના બની હતી. જો કે, ન્યૂયોર્ક પોલીસે ત્વરિત કાર્યવાહી કરીને શંકાસ્પદ હુમલાખોરને ઘટનાસ્થળેથી જ ઝડપી લીધો છે.
Times Square Firing – ગોળીબારનો વીડિયો સોશિયલ મીડિયા પર વાયરલ
સ્થાનિક સમય અનુસાર ગુરુવારે બપોરે આશરે ૩:૪૦ વાગ્યે આ ફાયરિંગની ઘટના બની હતી. સોશિયલ મીડિયા પર સામે આવેલા વીડિયોમાં ગોળીઓ ચાલવાનો સ્પષ્ટ અવાજ સંભળાય છે, જેના કારણે ટાઇમ્સ સ્ક્વેર પર હાજર સેંકડો પ્રવાસીઓ (ટૂરિસ્ટ્સ) અને સ્થાનિક લોકો પોતાની જાન બચાવવા માટે આમતેમ દોડતા જોવા મળે છે. ન્યૂયોર્ક ફાયર ડિપાર્ટમેન્ટે જણાવ્યું છે કે ગોળીબારમાં ઘાયલ થયેલી એક વ્યક્તિને તાત્કાલિક હોસ્પિટલ ખસેડવામાં આવી છે, પરંતુ તેની સ્થિતિ અંગે વધુ વિગતો જાહેર કરાઈ નથી.
Times Square Firing – ૧૦,૦૦૦ પોલીસ જવાનોની સુરક્ષા વચ્ચે ઘટી ઘટના
ન્યૂયોર્ક પોલીસ ડિપાર્ટમેન્ટ (NYPD) ના જણાવ્યા અનુસાર, આ આખી ઘટના ત્યાં ઉભેલી એક પોલીસ વાનથી માત્ર થોડા જ મીટરના અંતરે બની હતી. ન્યૂયોર્ક નિક્સની આ જીતની પરેડ અને જશ્નને ધ્યાનમાં રાખીને વહીવટી તંત્ર દ્વારા અગાઉથી જ આશરે ૧૦,૦૦0 જેટલા પોલીસ અધિકારીઓ અને જવાનોને સુરક્ષા માટે તૈનાત કરવામાં આવ્યા હતા. તેમ છતાં ભીડભાડવાળા વિસ્તારમાં હથિયાર સાથે ઘૂસીને શંકાસ્પદ વ્યક્તિએ ગોળીબાર કરતાં સુરક્ષા વ્યવસ્થા સામે સવાલો ઉભા થયા છે.
Times Square Firing – ૧૬ જૂને પણ આ જ વિસ્તારમાં થયો હતો ગોળીબાર
ઉલ્લેખનીય છે કે, આશરે ૫૩ વર્ષના લાંબા ગાળા બાદ ન્યૂયોર્ક નિક્સની ટીમ એનબીએ ચેમ્પિયન બની હોવાથી શહેરમાં સતત જશ્નનો માહોલ છે. આ અગાઉ ૧૬ જૂનના રોજ પણ ટાઇમ્સ સ્ક્વેર વિસ્તારમાં આવી જ એક ગોળીબારની ઘટના સામે આવી હતી, જ્યાં જીતની ખુશી વેરવિખેર થઈ ગઈ હતી અને સેંકડો લોકોએ જીવ બચાવવા ભાગવું પડ્યું હતું. તે સમયે પણ પોલીસે એક વ્યક્તિ પાસેથી લોડેડ બંદૂક જપ્ત કરી હતી. હાલમાં ન્યૂયોર્ક પોલીસ આ નવી ઘટના પાછળના કારણોની તપાસ કરી રહી છે.
👉 આ સમાચાર વાચો:
US Iran Peace Deal India Impact ભારત માટે લોટરી લાગી! અમેરિકાઈરાન ઐતિહાસિક કરાર બાદ પેટ્રોલ, ડીઝલ અને ગેસ સિલિન્ડર સસ્તા થવાના સંકેત
