News Continuous Bureau | Mumbai
US 25 States Sue Trump Govt Over New Tariffs ડોનાલ્ડ ટ્રમ્પ સરકાર દ્વારા લાગુ કરવામાં આવેલા નવા ટેરિફ (આયાત શુલ્ક) ને લઈને અમેરિકામાં રાજકીય અને કાનૂની ગરમાવો આવી ગયો છે. ટ્રમ્પ એડમિનિસ્ટ્રેશનના આ નિર્ણય સામે અમેરિકાના ૨૫ રાજ્યોએ એકજૂથ થઈને સુપ્રીમ કોર્ટના દરવાજા ખટખટાવ્યા છે અને નવા ટેરિફને સંપૂર્ણપણે ગેરકાનૂની ગણાવીને તેને તાત્કાલિક રદ કરવાની માગણી કરી છે.
Trump New Tariffs – ૨૫ રાજ્યોએ ટ્રમ્પ સરકારના નિર્ણયને ગેરબંધારણીય ગણાવ્યો
સુપ્રીમ કોર્ટમાં દાખલ કરવામાં આવેલી પીટિશનમાં ૨૫ રાજ્યોના એટર્ની જનરલે દાવો કર્યો છે કે ટ્રમ્પ સરકારે પોતાના અધિકારોનો દુરુપયોગ કરીને યોગ્ય કાનૂની પ્રક્રિયા વગર આ નવો ટેરિફ લાગુ કર્યો છે. રાજ્યોનું કહેવું છે કે આ પ્રકારનો આયાત શુલ્ક ઝીંકવાનો નિર્ણય અમેરિકન બંધારણના નિયમોનું ઉલ્લંઘન કરે છે અને તેનાથી અમેરિકાના અર્થતંત્ર પર વિપરીત અસર પડશે.
Trump New Tariffs – મોંઘવારી વધવા અને સ્થાનિક ઉદ્યોગોને નુકસાન થવાની ભીતિ
આ અરજીમાં રજૂઆત કરવામાં આવી છે કે નવા આયાત શુલ્કને કારણે દેશમાં દૈનિક વપરાશની વસ્તુઓની કિંમતોમાં મોટો ઉછાળો આવશે, જેનાથી સામાન્ય નાગરિકો પર મોંઘવારીનો બોજ વધશે. આ ઉપરાંત વિવિધ રાજ્યોમાં આવેલા ઉત્પાદન ક્ષેત્રના ઉદ્યોગો અને નાના વેપારીઓને પણ આ નિર્ણયથી મોટું આર્થિક નુકસાન સહન કરવું પડશે, જેથી આ નિર્ણય રદ કરવો જરૂરી છે.
Trump New Tariffs – યુએસ સુપ્રીમ કોર્ટના ચૂકાદા પર સમગ્ર વિશ્વની નજર
ટ્રમ્પ સરકારે પોતાના નિર્ણયનો બચાવ કરતા જણાવ્યું છે કે દેશના આંતરિક ઉદ્યોગોને પ્રોત્સાહન આપવા અને સ્થાનિક વેપારને મજબૂત કરવા માટે આ કડક આયાત શુલ્ક જરૂરી છે. જોકે, ૨૫ રાજ્યો દ્વારા કાનૂની પડકાર ફેંકવામાં આવ્યા બાદ હવે આ મામલે યુએસ સુપ્રીમ કોર્ટ શું સ્ટેન્ડ લે છે તેના પર સમગ્ર અમેરિકા સહિત ગ્લોબલ માર્કેટની નજર ટકેલી છે.
👉 આ સમાચાર વાચો:
Today’s Horoscope : આજનો દિવસ:૪ ઓગસ્ટ ૨૦૨૬, મંગળવાર, જાણો આપનું રાશિફળ
