News Continuous Bureau | Mumbai
સંયુક્ત આરબ અમીરાતના વડા પ્રધાન અને દુબઈના શાસક શેખ મોહમ્મદ બિન રશીદ અલ મકતુમે ( UAE’s Sheikh Mohammed Al Maktoum ) રવિવારે અલ મિન્હાદ ( Al Minhad ) જિલ્લા અને તેની આસપાસના વિસ્તારનું નામ ‘હિંદ શહેર’ ( Hind City ) રાખ્યું છે. શહેર કુલ ચાર ઝોનને આવરી લે છે – હિંદ 1, હિંદ 2, હિંદ 3 અને હિંદ 4 જે કુલ 83.9 કિમી વિસ્તારમાં ફેલાયેલો છે. હિંદ શહેર અમીરાત રોડ, દુબઈ અલ આઈન રોડ અને જેબેલ અલી-લેહબાબ રોડ જેવા મુખ્ય રસ્તાઓ દ્વારા જોડાયેલું છે.
મહત્વનું છે કે શેખ મોહમ્મદ બિન રશીદ અલ મકતુમ, જેમણે અલ મિન્હાદ જિલ્લાને ‘હિંદ શહેર’ નામ આપ્યું છે, તે સંયુક્ત આરબ અમીરાતના ઉપરાષ્ટ્રપતિ, વડા પ્રધાન અને સંરક્ષણ પ્રધાન તેમજ દુબઈના શાસક છે. તે સંયુક્ત આરબ અમીરાતના ભૂતપૂર્વ ઉપરાષ્ટ્રપતિ અને દુબઈના શાસક શેખ રશીદ બિન સઈદ અલ મક્તૂમના ત્રીજા પુત્ર છે. 2006 માં તેમના ભાઈ મકતુમના મૃત્યુ પછી, શેખ મોહમ્મદે દેશના ઉપરાષ્ટ્રપતિ અને દુબઈના શાસક તરીકેનો કાર્યભાર સંભાળ્યો. અલ મકતુમ ‘વિશ્વના અગ્રણી રિયલ એસ્ટેટ ડેવલપર્સમાંના એક’ તરીકે ઓળખાય છે.
આ સમાચાર પણ વાંચો : પરિવહન મંત્રી નીતિન ગડકરીની મોટું નિવેદન, 1 એપ્રિલ બાદ ભંગાર બની જશે 15 વર્ષ જુના 9 લાખ સરકારી વાહનો.. લાગુ થશે નવી પોલિસી..
જોકે આ પહેલીવાર નથી જ્યારે યુએઈમાં કોઈ સ્થળનું નામ બદલવામાં આવ્યું હોય. અગાઉ 2010 માં, બુર્જ દુબઈનું નામ શેખ ખલીફા બિન ઝાયેદ અલ નાહયાનના નામ પરથી બદલીને બુર્જ ખલીફા રાખવામાં આવ્યું હતું, જે સંયુક્ત આરબ અમીરાતના તત્કાલીન રાષ્ટ્રપતિ અને અબુ ધાબીના શાસક હતા. 13 મે 2022 ના રોજ તેમનું અવસાન થયું હતું.
