કાબુલથી હાઇજેક થયું વિમાન, રેસ્ક્યુ મિશન પર યુક્રેનથી પહોંચ્યું હતું, યુક્રેનના નાયબ વિદેશમંત્રીએ કર્યો આ દાવો

ન્યુઝ કન્ટિન્યુઝ બ્યુરો

મુંબઈ, 24 ઑગસ્ટ, 2021

મંગળવાર

યુદ્ધગ્રસ્ત આફઘાનિસ્તાનમાં યૂક્રેનનું વિમાન હાઇજૈક થઇ ગયુ છે. 

આ વિમાન યૂક્રેનના નાગરીકોને સુરક્ષિત રીતે બહાર કાઢીને વતન પરત લઇને ફરવાનું હતું. 

આ વાતની જાણકારી યૂક્રેનના ડેપ્યુટી વિદેશ મંત્રી યેગવેની યેનિને આપી છે.

યુક્રેનના નાયબ વિદેશમંત્રી યેવગેની યેનિને દાવો કર્યો છે કે યુક્રેનનું આ વિમાન રવિવારે હાઈજેક કરાયું હતું, જેને કેટલાક અજાણ્યા લોકોએ પોતાના કબજામાં લીધુ હતું. ત્યારબાદ મંગળવારે આ વિમાનને ઈરાન લઈ જવાયું છે. 

એટલું જ નહીં અમારા નાગરિકોની નિકાસીનો પ્લાન પણ સફળ થઈ શક્યો નહીં કારણ કે અમારા લોકો એરપોર્ટ સુધી પહોંચી શક્યા નહતા. 

જોકે તેમણે એ જાણકારી નથી આપી કે વિમાનને કોણે હાઈજેક કર્યું અને તેને પાછું લાવવા માટે યુક્રેનની સરકારે શું પગલાં ભર્યા છે.  

વેક્સિનના બંને ડોઝ લેનારી વ્યક્તિ જ ગણેશવિસર્જનમાં ભાગ લઈ શકશે, મુંબઈ મનપાએ બહાર પાડી ગણેશોત્સવને લઈને નવી નિયમાવલી; જાણો વિગત