News Continuous Bureau | Mumbai
Gaza War ગાઝા પટ્ટી આજે માનવ દુર્ઘટનાનું પ્રતીક બની ગઈ છે. સંયુક્ત રાષ્ટ્ર વિકાસ કાર્યક્રમ ના ઓક્ટોબર 2025 ના નવીનતમ અહેવાલ ‘રિકન્સ્ટ્રક્શન ઈન્ડેક્સ ઓફ ગાઝા’ અનુસાર, ઈઝરાયેલે છેલ્લા બે વર્ષમાં લગભગ 2 લાખ ટન વિસ્ફોટકો વરસાવ્યા છે, જે 13 પરમાણુ બોમ્બની સંયુક્ત અસર બરાબર છે. આ વિનાશમાં 1,05,800 થી વધુ ઈમારતો સંપૂર્ણપણે ધ્વસ્ત થઈ ગઈ છે અને દર 10 માંથી 8 ઈમારતો ખંડેર બની ગઈ છે. લગભગ 90% વસ્તીના ઘર ક્યાં તો તૂટી ગયા છે અથવા રહેવાલાયક રહ્યા નથી.
વિનાશની ભયાનકતા અને માનવ જાનહાનિ
આ વિનાશનું સૌથી ભયાનક પાસું માનવ જીવનનું નુકસાન છે. સંયુક્ત રાષ્ટ્રની માનવતાવાદી રાહત એજન્સીઓ, WHO અને UNRWA ના ઓક્ટોબર 2025 સુધીના અહેવાલો મુજબ, ગાઝામાં આશરે 1.52 લાખ લોકો માર્યા ગયા છે, જેમાંથી 1.8 લાખ મૃત્યુની પુષ્ટિ થઈ છે અને 43 હજારથી વધુ લોકો કાટમાળ નીચે દટાયેલા છે અથવા લાપતા છે. ઘાયલોની સંખ્યા 3.72 લાખથી વધુ છે, જેમાં 60% થી વધુ મહિલાઓ અને બાળકો છે. મૃતકોમાં 423 સ્વાસ્થ્યકર્મી, 179 પત્રકાર અને 247 સંયુક્ત રાષ્ટ્રના રાહતકર્મીઓ પણ શામેલ છે, જેઓ તેમની ફરજ નિભાવતી વખતે હુમલાનો શિકાર બન્યા.
15 વર્ષ લાગશે કાટમાળ હટાવતા
યુએનડીપી અને વિશ્વ બેંકના સંયુક્ત સર્વેક્ષણ મુજબ, ગાઝામાં હવે 6 કરોડ ટનથી વધુ કાટમાળ ફેલાયેલો છે. આ જથ્થો સીરિયાના અલેપ્પો યુદ્ધ દરમિયાન થયેલા કુલ વિનાશ કરતાં ત્રણ ગણો વધારે છે. કાટમાળ હટાવવાનો અંદાજિત ખર્ચ 24 અબજ ડોલર (આશરે 2 લાખ કરોડ રૂપિયા) છે, જે ફલસ્તીની વાર્ષિક GDP કરતાં 4 ગણો છે. એન્જિનિયરિંગ કાઉન્સિલના આંકલન મુજબ, હાલના સંસાધનોના આધારે માત્ર કાટમાળ હટાવવામાં જ 12 થી 15 વર્ષ લાગશે અને તે પછી જ નવા બાંધકામની શરૂઆત શક્ય બનશે. તેથી, ગાઝાનું પુનર્નિર્માણ એક મોટો પડકાર છે.
આ સમાચાર પણ વાંચો : Ayodhya Deepotsav: અયોધ્યા રામમંદિર માટે ખાસ પેકેજ જાહેર! ‘એક દીવો રામ’ ઑનલાઈન પ્રગટાવો, પ્રસાદ તમારા પહોંચશે ઘેર, જાણો કેવી રીતે
બંધકોની મુક્તિ છતાં શાંતિ પર અનિશ્ચિતતા
ગાઝા યુદ્ધવિરામ હેઠળ હમાસ તરફથી ઈઝરાયેલના 20 બંધકોને રેડ ક્રોસને સોંપવામાં આવતા ઈઝરાયેલીઓમાં ઉત્સવનું વાતાવરણ છે. બે વર્ષથી ચાલી રહેલું આ વિનાશકારી યુદ્ધ ખતમ થવાથી ગાઝા અને ઈઝરાયેલ બંને જગ્યાએ લોકોએ ઉજવણી કરી. જોકે, યુદ્ધવિરામ અને બંધકોની મુક્તિ સંબંધિત શાંતિ યોજના માત્ર પ્રથમ પગલું છે. આગામી પગલાઓ પર સ્પર્ધાત્મક માંગણીઓ યથાવત છે, જેના કારણે યુદ્ધના વાસ્તવિક અંત પર અનિશ્ચિતતા છે. હમાસે 1,900થી વધુ ફલસ્તીની કેદીઓના બદલામાં 20 જીવંત બંધકોને મુક્ત કર્યા છે. ઈઝરાયેલ હજુ પણ વેસ્ટ બેંકમાં વસાહતો સ્થાપિત કરવા માંગે છે, અને હમાસ તેને ફરીથી રોકશે.
