News Continuous Bureau | Mumbai
US Iran Peace Talks Update અમેરિકા અને ઈરાન વચ્ચે સ્વિટ્ઝર્લેન્ડમાં ચાલી રહેલી ૬૦ દિવસની શાંતિ વાટાઘાટો અંતર્ગત પ્રથમ રાઉન્ડની મોટી બેઠક સફળતાપૂર્વક પૂર્ણ થઈ છે. મધ્યસ્થ દેશો કતાર અને પાકિસ્તાને દાવો કર્યો છે કે બંને દેશો આગામી ૬૦ દિવસની અંદર અંતિમ કરાર પર પહોંચવા માટેના એક સંયુક્ત રોડમેપ પર સહમત થયા છે. બીજી તરફ, ઈરાને ખુલાસો કર્યો છે કે આ કરારના ભાગરૂપે વિદેશોમાં જપ્ત કરાયેલી તેની અબજો ડોલરની સંપત્તિ (Frozen Assets) મુક્ત કરવામાં આવી છે.
US Iran Peace Talks Update – તેલ નિકાસ પરથી પ્રતિબંધો હટ્યા અને નાકાબંધી ખતમ થઈ
સોમવારે સોશિયલ મીડિયા પ્લેટફોર્મ X પર એક પોસ્ટ શેર કરીને ઈરાનના વિદેશ મંત્રી સૈયદ અબ્બાસ અરાગચીએ આ બેઠકના પરિણામોની સત્તાવાર વિગતો આપી હતી. અરાગચીએ જણાવ્યું કે, વાટાઘાટો દરમિયાન ઈરાનના ક્રૂડ ઓઈલ અને પેટ્રોકેમિકલ ઉત્પાદનોની નિકાસ પર લાદવામાં આવેલા પ્રતિબંધો હટાવી લેવામાં આવ્યા છે. આ ઉપરાંત ઈરાની બંદરો પર અમેરિકા દ્વારા કરવામાં આવેલી દરિયાઈ નાકાબંધી પણ સમાપ્ત થઈ ગઈ છે અને ઈરાનની જપ્ત કરાયેલી કેટલીક સંપત્તિઓ પણ પરત રીલીઝ કરવામાં આવી છે.
US Iran Peace Talks Update – પાકિસ્તાન અને કતારની મધ્યસ્થતાથી મળી મોટી સફળતા
વિદેશ મંત્રી અરાગચીએ પાકિસ્તાન અને કતારના સતત પ્રયાસોની પ્રશંસા કરતા લખ્યું કે, ‘બંને દેશોની મધ્યસ્થતાના કારણે લેબનાન યુદ્ધ (Lebanon War) ને સમાપ્ત કરવાની દિશામાં મોટી પ્રગતિ થઈ છે. પ્રતિબંધો હટવાની સાથે જ હવે ઈરાનના પુનઃનિર્માણ અને આર્થિક વિકાસ માટે એક મોટો નવો પ્લાન શરૂ કરવામાં આવ્યો છે.’ જો કે, તેમણે ઉમેર્યું કે આ વાતચીતની ‘પહેલી અસલી કસોટી’ હજુ બાકી છે. આ અંતર્ગત લેબનાનમાં યુદ્ધ સંપૂર્ણપણે અટકે તે સુનિશ્ચિત કરવા માટે તમામ પક્ષોની મદદથી એક ‘ડી-કોન્ફ્લિક્શન સેલ’ (De-confliction Cell) બનાવવામાં આવશે.
US Iran Peace Talks Update – સ્વિટ્ઝર્લેન્ડમાં આગામી ટેકનિકલ ચર્ચાઓ માટે નવું માળખું તૈયાર
ઉલ્લેખનીય છે કે, અમેરિકા અને ઈરાન વચ્ચેની આ ઉચ્ચ સ્તરીય વાટાઘાટોનો પ્રથમ રાઉન્ડ સ્વિટ્ઝર્લેન્ડના બર્ગનસ્ટોકમાં લેક લૂસર્ન સમિટ દરમિયાન યોજાયો હતો. કતાર અને પાકિસ્તાનના વિદેશ મંત્રાલય દ્વારા જારી કરાયેલા સંયુક્ત નિવેદનમાં જણાવાયું છે કે આ બેઠક અત્યંત હકારાત્મક અને રચનાત્મક વાતાવરણમાં થઈ હતી. આ બેઠકના પરિણામે હવે જમીની સ્તરે કામ કરવા માટે ટેકનિકલ વાટાઘાટોનું નવું માળખું તૈયાર કરાયું છે. તમામ પક્ષો એક હાઈ-લેવલ કમિટી બનાવવા પર સહમત થયા છે, જે પરમાણુ મુદ્દાઓ, આર્થિક પ્રતિબંધો અને વિવાદ નિવારણ તંત્ર પર કામ કરતા અલગ-અલગ વર્કિંગ ગ્રૂપ્સ (Working Groups) નું નેતૃત્વ કરશે.
👉 આ સમાચાર વાચો:
El Nino Impact on Agriculture અલ નિનોની અસર, કૃષિપેદાશોના ભાવમાં તેજીનો માહોલ
