News Continuous Bureau | Mumbai
US Aircraft Crash Iraq ઈરાન સામે ચાલી રહેલા યુદ્ધના 14મા દિવસે એક મોટા સમાચાર સામે આવ્યા છે. પશ્ચિમ ઈરાકમાં અમેરિકી સેનાનું KC-135 સ્ટ્રેટોટેન્કર રિફ્યુલિંગ વિમાન દુર્ઘટનાગ્રસ્ત થયું છે. આ ઘટના ત્યારે બની જ્યારે અમેરિકા અને ઈઝરાયેલ સંયુક્ત રીતે ઈરાન વિરુદ્ધ ‘ઓપરેશન એપિક ફ્યુરી’ ચલાવી રહ્યા હતા. અમેરિકી સેન્ટ્રલ કમાન્ડ એ પુષ્ટિ કરી છે કે ફ્રેન્ડલી એરસ્પેસમાં આ અકસ્માત થયો હતો.અમેરિકી અધિકારીઓના જણાવ્યા અનુસાર, આ દુર્ઘટનામાં બે વિમાન સામેલ હતા. જેમાંથી એક વિમાન સુરક્ષિત રીતે ઉતરાણ કરવામાં સફળ રહ્યું હતું, જ્યારે બીજું વિમાન ક્રેશ થઈ ગયું હતું. અમેરિકાએ સ્પષ્ટતા કરી છે કે આ અકસ્માત દુશ્મન કે ફ્રેન્ડલી ફાયરને કારણે થયો નથી, પરંતુ બંને વિમાનો હવામાં એકબીજાની નજીક આવી જવાથી અથવા અથડાવાને કારણે થયો હોઈ શકે છે. હાલમાં કોઈ પણ સૈનિકના મોતની સત્તાવાર પુષ્ટિ કરવામાં આવી નથી અને સર્ચ ઓપરેશન ચાલુ છે.
ઇરાન સમર્થિત સંગઠને વિમાન તોડી પાડ્યાનો કર્યો દાવો
બીજી તરફ, ઈરાન સમર્થિત સશસ્ત્ર જૂથ ‘ઈસ્લામિક રેઝિસ્ટન્સ ઈન ઈરાક’ એ આ વિમાન તોડી પાડવાની જવાબદારી સ્વીકારી છે. જૂથે એક નિવેદન જારી કરીને જણાવ્યું હતું કે, તેમણે દેશની સંપ્રભુતા અને હવાઈ ક્ષેત્રની રક્ષા કરવા માટે અમેરિકાના KC-135 વિમાનને નિશાન બનાવ્યું છે. આ દાવાએ વિસ્તારમાં તણાવમાં ઓર વધારો કર્યો છે. ઈરાન સમર્થિત આ જૂથો સતત અમેરિકી સૈન્ય મથકો અને અસ્કયામતો પર હુમલા કરવાની ધમકી આપી રહ્યા છે.
‘ઓપરેશન એપિક ફ્યુરી’ માં અમેરિકાને અત્યાર સુધી થયેલું નુકસાન
28 ફેબ્રુઆરીથી શરૂ થયેલા આ સૈન્ય અભિયાનમાં અમેરિકાને અનેક પડકારોનો સામનો કરવો પડ્યો છે. 1 માર્ચના રોજ પણ ફ્રેન્ડલી ફાયરમાં ત્રણ F-15E ફાઇટર જેટ્સને નુકસાન થયું હતું, જોકે પાયલટો સુરક્ષિત બચી ગયા હતા. રિપોર્ટ મુજબ, આ આખા ઓપરેશનમાં અત્યાર સુધીમાં સાત અમેરિકી સૈનિકોએ જીવ ગુમાવ્યા છે અને 140 જેટલા સૈનિકો ઘાયલ થયા છે. KC-135 જેવા રિફ્યુલિંગ વિમાનનું નુકસાન અમેરિકા માટે મોટી વ્યૂહાત્મક ખોટ સમાન છે, કારણ કે તે હવામાં ફાઇટર જેટ્સને ઈંધણ પૂરું પાડે છે.
આ સમાચાર પણ વાંચો : Hapur Gas Hoarding Case: જનતા લાઈનમાં અને નેતાના ઘરે ‘બ્લેક’નો ખેલ! હાપુડમાં એલપીજી સંકટ વચ્ચે ૫૫ ગેસ સિલિન્ડરનો જથ્થો મળતા ખળભળાટ; તંત્રએ કરી કડક કાર્યવાહી
મિડલ ઇસ્ટમાં વધતો જતો જંગનો વ્યાપ
ઈરાન અને અમેરિકા-ઈઝરાયેલ વચ્ચેનો સંઘર્ષ હવે સીમાઓ વટાવી રહ્યો છે. અમેરિકા આ હુમલાઓને ડ્રોન અને મિસાઈલ દ્વારા રોકવા પ્રયાસ કરી રહ્યું છે, પરંતુ ગ્રાઉન્ડ લેવલ પર સક્રિય ઈરાન સમર્થિત જૂથો મુશ્કેલી ઊભી કરી રહ્યા છે. અમેરિકી વાયુસેના અત્યારે તપાસ કરી રહી છે કે શું ખરેખર ટેકનિકલ ખામી હતી કે પછી ઈરાની જૂથોના દાવા મુજબ આ એક આયોજિત હુમલો હતો. આગામી કલાકોમાં સેન્ટકોમ દ્વારા વધુ વિગતો જાહેર કરવામાં આવશે.
