News Continuous Bureau | Mumbai
Israel Hamas War: ઈઝરાયલ અને હમાસ (Israel Hamas War) વચ્ચે ચાલી રહેલ યુદ્ધ દિવસેને દિવસે વધુને વધુ ગંભીર થતું જઈ રહ્યું છે. એક તરફ ઈરાન વારંવાર આ યુદ્ધમાં ઝંપલાવવા અંગે ધમકીઓ આપી રહ્યું છે ત્યાં બીજી તરફ અમેરિકાએ (America) પણ જંગમાં ઊતરવાની તૈયારીઓ દર્શાવી છે. અમેરિકા હજુ સુધી સીધી રીતે યુદ્ધમાં આવ્યું નથી પરંતુ ભૂમધ્ય સાગરમાં અમેરિકાની સેના સતત વધી રહી છે.
જરૂર પડી તો ગમે તે ઘડીએ અમેરિકા આ યુદ્ધમાં(War) ઉતરે તેવા ભણકારા છે. અત્યાર સુધીમાં બે કેરિયર સ્ટ્રાઈક ગ્રુપ, એક એન્ફિબિયસ રેડો ગ્રુપ, એક મરીન એક્સપીડિશનરી યુનિટ સહિત બે હજાર સૈનિકો આવી ચૂક્યા છે.
આ સમાચાર પણ વાંચો : Nitin Gadkari : નીતિન ગડકરી આજે અમૃતસરમાં ફરકાવશે દેશનો સૌથી ઉંચો રાષ્ટ્રધ્વજ, આટલી રહેશે ઉંચાઈ..જાણો વધુ વિગતો વિગતે અહીં..
અમેરિકાએ ઈરાન પર નવા પ્રતિબંધોની જાહેરાત કરી…
પેન્ટાગન(Pentagon) દ્વારા પણ સ્પષ્ટ કરવામાં આવ્યું છે કે જો વ્હાઇટ હાઉસ દ્વારા આદેશ આપવામાં આવે તો માત્ર 24 કલાકની અંદર સેના યુદ્ધ લડવા માટે તૈયાર થઈ જશે.બીજી તરફ અમેરિકાએ ઈરાન પર નવા પ્રતિબંધોની જાહેરાત કરી છે. અમેરિકાના વિદેશમંત્રીએ કહ્યું છે કે અમેરિકા ઈરાનની બેલેસ્ટિક મિસાઇલ અને UAV પર પ્રતિબંધ લગાવી રહ્યું છે.
નોંધનીય છે કે અમેરિકાના રાષ્ટ્રપતિ જો બાયડન (Joe Biden) બાદ હવે બ્રિટનના પ્રધાનમંત્રી ઋષિ સુનક (Rishi Sunak) પણ ઈઝરાયલનું સમર્થન કરવા માટે તેલ અવીવ પહોંચી રહ્યા છે. તેઓ ઈઝરાયલના પ્રધાનમંત્રી સાથે મીટિંગ કરશે અને આ જંગમાં બ્રિટન તેમનાથી ખભેથી ખભો મિલાવીને ઊભું છે તેવું આશ્વાસન પણ આપશે.
ઈઝરાયલ અને હમાસના યુદ્ધમાં 12 દિવસમાં બંને તરફથી કુલ પાંચ હજાર જેટલા લોકોના મોત થયા છે જ્યારે 17 હજારથી વધુ ઘાયલ છે. ઈઝરાયલમાં 1402 લોકોના મૃત્યુ થયા જ્યારે ગાઝામાં 3488 લોકોએ જીવ ગુમાવ્યો છે. વેસ્ટબેન્કમાં પણ 65 લોકોના મૃત્યુ થયા છે.
