બ્રિટનના 900 વર્ષ જૂના વેસ્ટમિંસ્ટર હોલમાં ઝેલેન્સકીએ આપ્યું ભાષણ, સાંભળતી રહી દુનિયા

બ્રિટીશ સાંસદોને સંબોધતા, ઝેલેન્સકીએ રશિયાના આક્રમણના "પ્રથમ દિવસ" થી સમર્થન આપવા બદલ બ્રિટિશ લોકોનો આભાર માન્યો. તે વધુ સમર્થન મેળવવા માટે તેમના દેશની બહાર પ્રવાસ કરી રહ્યા છે

by Dr. Mayur Parikh
Zelensky thanks UK for support on behalf of Ukraine's 'war heroes' on surprise visit to London

News Continuous Bureau | Mumbai

યૂક્રેનના રાષ્ટ્રપતિ વોલોદિમીર ઝેલેન્સ્કી યુદ્ધ શરૂ થયાને એક વર્ષ પૂરું થતા પહેલા બ્રિટનની મુલાકાતે લંડન પહોંચી ગયા છે. ત્યાં તેમણે બ્રિટનના 900 વર્ષ જૂના વેસ્ટમિંસ્ટર હોલમાં યૂક્રેનમાં યુદ્ધની સ્થિતિ પર બોલવાનું શરૂ કર્યું તો માત્ર બ્રિટિશ સાંસદો જ નહીં, પરંતુ આખી દુનિયા તેમને સાંભળતી રહી. બ્રિટીશ સાંસદોને સંબોધતા, ઝેલેન્સકીએ રશિયાના આક્રમણના “પ્રથમ દિવસ” થી સમર્થન આપવા બદલ બ્રિટિશ લોકોનો આભાર માન્યો. તે વધુ સમર્થન મેળવવા માટે તેમના દેશની બહાર પ્રવાસ કરી રહ્યા છે. યૂક્રેનની સેનાનો આભાર માનતા ઝેલેન્સકીએ કહ્યું, “હું અહીં બહાદુર સૈનિકો વતી આવ્યો છું અને તમારી સામે ઉભો છું. તમારી બહાદુરી માટે હું તમારો આભાર માનું છું.”

લંડન પહેલા દિવસથી જ કિવ સાથે છે. હાઉસ ઓફ કોમન્સના સ્પીકર લિન્ડસે હોયલે જણાવ્યું હતું કે સાંસદો એ વાતથી અભિભૂત હતા કે ઝેલેન્સકીએ પોતાને જોખમમાં મૂકીને સંબોધન કર્યું. વધુ આધુનિક શસ્ત્રો મેળવવાની કવાયતમાં ઝેલેન્સકીની બ્રિટનની મુલાકાત ત્યારે આવી છે જ્યારે કિવ રશિયાના આક્રમણ માટે તૈયાર છે. ઝેલેન્સ્કીનું ભાષણ સાંભળવા 900 વર્ષ જૂનો વેસ્ટમિંસ્ટર હોલ સેંકડો સાંસદો અને સંસદીય કર્મચારીઓથી ખચાખચ ભરેલો રહ્યો. લગભગ એક વર્ષ પહેલા રશિયાના આક્રમણ બાદ યૂક્રેનની બહાર આ તેમની બીજી પુષ્ટિ થયેલ સફર છે. ઝેલેન્સ્કીએ ડિસેમ્બરમાં અમેરિકાની મુલાકાત લીધી હતી.

PM ઋષિ સુનકે ઝેલેન્સકીને ગળે લગાવ્યા

ઝેલેન્સ્કીએ વારંવાર પશ્ચિમી સંસદસભ્યોને આવા ભાષણો આપીને તેમના દેશ માટે સમર્થન એકત્ર કર્યું છે. યૂક્રેનના રાષ્ટ્રપતિ બુધવારે રોયલ એરફોર્સના વિમાનમાં લંડન પહોંચ્યા હતા. બ્રિટિશ વડા પ્રધાન ઋષિ સુનકે યૂક્રેનિયન નેતાનું સ્વાગત કર્યું અને તેમને ગળે લગાડતી તસવીર ટ્વીટ કરી. ઝેલેન્સકીએ ઇન્સ્ટાગ્રામ પર જણાવ્યું હતું કે, “યૂક્રેનની મદદ માટે આવનારા પ્રથમ દેશોમાં એક બ્રિટન હતું અને આજે હું અંગત રીતે બ્રિટિશ લોકોનો તેમના સમર્થન બદલ આભાર માનવા માટે લંડનમાં છું.”

આ સમાચાર પણ વાંચો : Business / ભારત-પાકિસ્તાન વચ્ચે અબજો ડોલરનો થયો વેપાર, સરકારે આપી જાણકાર

આ મુલાકાત એવા સમયે આવી છે જ્યારે બ્રિટન સરકારે છ સંસ્થાઓ સામે પ્રતિબંધોના નવા રાઉન્ડની જાહેરાત કરી છે. બ્રિટનનું કહેવું છે કે આ સંસ્થાઓએ રશિયન સૈન્યને સાધનો પૂરા પાડ્યા હતા. ઝેલેન્સકીને ડર છે કે રશિયા યૂક્રેન પરના આક્રમણની વર્ષગાંઠે 24 ફેબ્રુઆરીએ કિવ પર મોટો હુમલો કરી શકે છે. આવી સ્થિતિમાં, તે ફાઇટર જેટ અને એર ડિફેન્સ સિસ્ટમની માંગ માટે બ્રિટન સહિત સમગ્ર વિશ્વમાંથી સમર્થન એકત્ર કરી રહ્યા છે.
You Might Be Interested In
Join Our WhatsApp Community

About News Continues

News Continuous is created to spread authentic, accurate and correct news across platforms. This news venture is managed by experienced journalists. Drop an email for collaborations.

Newsletter

[mailpoet_form id=”1″]

To explore your career & collaborate with us pls write to us on following email id info@newscontinuous.com

@2023 – All Right Reserved. 

This website uses cookies to improve your experience. We'll assume you're ok with this, but you can opt-out if you wish. Accept Read More