News Continuous Bureau | Mumbai
Vehicle PUC Certificate Rules દેશના કરોડો કાર અને બાઇક માલિકો માટે મોટા રાહતના સમાચાર સામે આવ્યા છે. કેન્દ્રીય માર્ગ પરિવહન અને રાજમાર્ગ મંત્રાલયે 6 વર્ષ સુધીના જૂના બીએસ 6 ખાાનગી વાહનો માટે પોલ્યુશન અંડર કંટ્રોલ સર્ટિફિકેટની માન્યતા 1 વર્ષથી વધારીને 3 વર્ષ કરવાનો પ્રસ્તાવ મૂક્યો છે.
Vehicle PUC Certificate Rules – વાહનોની વય અનુસાર પીયુસીની માન્યતા નક્કી કરવાનો પ્રસ્તાવ
કેન્દ્ર સરકાર દ્વારા જાહેર કરાયેલા પ્રસ્તાવ અનુસાર, 6 વર્ષ સુધીના જૂના બીએસ 6 ખાનગી વાહનો માટે પીયુસીની મુદત 3 વર્ષ રહેશે. જ્યારે 6 થી 10 વર્ષ જૂના બીએસ 6 વાહનો માટે દર વર્ષે અને 10 વર્ષથી વધુ જૂના વાહનો માટે દર 6 મહિને પીયુસી રિન્યૂ કરાવવું પડશે. આ ઉપરાંત બીએસ 4 વાહનો માટે 6 મહિના અને બીએસ 1, બીએસ 2 તથા બીએસ 3 વાહનો માટે દર 3 મહિને પીયુસી મેળવવાનો પ્રસ્તાવ મૂકવામાં આવ્યો છે.
Vehicle PUC Certificate Rules – કમર્શિયલ વાહનો માટે અલગ નિયમોની જોગવાઈ
આ પ્રસ્તાવમાં બીએસ 6 કમર્શિયલ એટલે કે વ્યાવસાયિક વાહનો માટે અલગ વ્યવસ્થા સૂચવવામાં આવી છે. 6 વર્ષ સુધીના જૂના માલવાહક બીએસ 6 વાહનો માટે પીયુસી 2 વર્ષ સુધી માન્ય રહેશે. 6 થી 10 વર્ષ જૂના વાહનો માટે દર વર્ષે અને 10 વર્ષથી વધુ જૂના કમર્શિયલ વાહનો માટે દર 6 મહિને પીયુસી રિન્યૂ કરાવવું અનિવાર્ય રહેશે.
Vehicle PUC Certificate Rules – નવો નિયમ ક્યારથી અમલમાં આવશે?
સરકારે હાલ આ નિયમ અંગેનો મુસદ્દો જાહેર કર્યો છે અને નાગરિકો પાસેથી વાંધા તેમજ સૂચનો મંગાવવામાં આવ્યા છે. તમામ પ્રક્રિયાઓ પૂર્ણ થયા બાદ સરકાર અંતિમ સૂચના બહાર પાડીને સમગ્ર દેશમાં આ નવો નિયમ લાગુ કરશે. જો કોઈ વાહનચાલક પીયુસીની મુદત પૂરી થવાના 10 દિવસ પહેલાં રિન્યૂ કરાવશે, તો નવી માન્યતા જૂના સર્ટિફિકેટની છેલ્લી તારીખથી જ ગણવામાં આવશે.
👉 આ સમાચાર વાચો:
E20 Fuel Policy Controversy ઈ20 પેટ્રોલમાં ભેળસેળ મુદ્દે બબાલ, નિતિન ગડકરી અને હરદીપ પુરીના રાજીનામાની માંગ સાથે ટેક્સી યુનિયનનો સંસદ માર્ચ
