News Continuous Bureau | Mumbai 

Skin Care: કુંવારપાઠું એટલે કે એલોવેરા (Aloe vera gel) ને માત્ર એક જ નહીં પરંતુ ઘણી રીતે સ્કિન કેર (Skin care) માં સામેલ કરી શકાય છે. તેમાં ઘણા એન્ટી ઓક્સીડેન્ટ, વિટામીન A, B, C અને E તેમજ ત્વચા માટે ફાયદાકારક તત્વો હોય છે. એલોવેરા જેલ ચહેરા પર લગાવવાથી ત્વચા કોમળ (Skin smooth) બને છે. દરમિયાન હવે હવામાન બદલાવા લાગ્યું છે અને આવી સ્થિતિમાં જો એલોવેરાને રોજ યોગ્ય રીતે ચહેરા પર લગાવવામાં આવે તો ત્વચાને એક નહીં પણ અનેક ફાયદા (benenfits) ઓ થાય છે.

Join Our WhatsApp Channel

ચહેરા પર એલોવેરા કેવી રીતે લગાવવું

એલોવેરા ચહેરા પર ડાયરેક્ટ લગાવી શકાય છે. આ માટે હથેળી પર એલોવેરા જેલ લો, તેને ચહેરા પર ઘસો, તેને છોડી દો અને સૂઈ જાઓ. જો તમે તમારા ચહેરા પર એલોવેરા આખી રાત રાખવા માંગતા નથી, તો તમે તેને 15 મિનિટ પછી ધોઈને દૂર કરી શકો છો.

એલોવેરા અને ગુલાબજળ

એલોવેરા જેલ સાથે ગુલાબજળ (Rose water) મિક્સ કરીને પણ રાત્રે ચહેરા પર લગાવી શકાય છે. આનાથી ત્વચાને માત્ર સૂથીંગ ઈફેક્ટ જ નથી મળતો પણ ત્વચામાં ચમક પણ આવે છે.

આ સમાચાર પણ વાંચો : Today’s Horoscope : આજે 9 ઓક્ટોબર 2023, જાણો આજનું રાશિ ભવિષ્ય અને પંચાંગ.

એલોવેરા અને નારંગીની છાલ

સૌ પ્રથમ નારંગીની છાલ (Orange Peel) ને સૂકવીને પાવડર બનાવી લો. તમે એલોવેરા જેલમાં નારંગીની છાલના પાવડરને મિક્સ કરીને ફેસ પેક (Face pack) બનાવી શકો છો. આ ફેસ પેકને 15 થી 20 મિનિટ સુધી ચહેરા પર લગાવો અને પછી ધોઈ લો. ત્વચા ચમકવા લાગશે.

એલોવેરા અને મધ

એલોવેરા અને મધનો પેક રાત્રે સુતી વખતે લગાવી શકાય છે. એલોવેરા જેલમાં મધ અને થોડું દૂધ મિક્સ કરો. આ પેસ્ટને ચહેરા પર 10 મિનિટ સુધી લગાવો. સવારે તમારો ચહેરો ચમકી ઉઠશે. આ પેક શુષ્ક ત્વચા માટે ખૂબ જ ફાયદાકારક છે.

એલોવેરા અને હળદર

ત્વચાને નિખારવા માટે રાત્રે એલોવેરામાં એક ચપટી હળદર (Turmeric) ઉમેરો. આ પેસ્ટને ચહેરા પર સારી રીતે લગાવો. જો તમે ઈચ્છો તો આ પેસ્ટને તમારા ચહેરા પર આખી રાત રાખી શકો છો. ત્વચા પર સોનેરી ચમક દેખાય છે.
(Note: આ લેખમાં દર્શાવેલ પદ્ધતિઓ અને સૂચનોને અનુસરતા પહેલા, ડૉક્ટર અથવા સંબંધિત નિષ્ણાતની સલાહ લો.)