News Continuous Bureau | Mumbai
BB Cream vs CC Cream। ઓફિસ કે કોલેજ જતી યુવતીઓ પોતાની ત્વચાને એકસરખી અને સુંદર બતાવવા માટે ભારે ફાઉન્ડેશનના સ્થાને બીબી અથવા સીસી ક્રીમનો ઉપયોગ કરવાનું વધુ પસંદ કરે છે. આ બંને ક્રીમ ફાઉન્ડેશનની સરખામણીમાં ત્વચા પર ખૂબ જ હળવી હોય છે, પરંતુ તે ફાઉન્ડેશન જેવો જ શાનદાર લુક આપે છે. તેને ચહેરા પર લગાવવાથી એક કુદરતી ચમક આવે છે અને ડાઘધબ્બા પણ સરળતાથી છુપાઈ જાય છે. આમ છતાં, ઘણી મહિલાઓ એવી છે જેમને બીબી અને સીસી ક્રીમ વચ્ચેનો વાસ્તવિક તફાવત ખબર નથી હોતી અને તેઓ આ બંનેને એક જ પ્રોડક્ટ સમજી બેસે છે. આ બંને ક્રીમ દેખાવમાં ભલે એક સરખી લાગે, પરંતુ તેના કામ અને ફિનિશિંગમાં મોટો તફાવત હોય છે.
જાણો શું છે બીબી અને સીસી ક્રીમ વચ્ચેનો મુખ્ય તફાવત
યોગ્ય બ્યુટી પ્રોડક્ટ પસંદ કરવા માટે સૌથી પહેલા બંને વચ્ચેનો તફાવત સમજવો જરૂરી છે. બીબી ક્રીમનું પૂરું નામ બ્યુટી બામ અથવા બ્લેમિશ બામ છે. તે ત્વચાને હળવું કવરેજ આપે છે, ત્વચાને મોઇશ્ચરાઇઝ કરે છે અને ચહેરા પર કુદરતી ચમક લાવે છે. રોજિંદા ઉપયોગ માટે બીબી ક્રીમ એક બેસ્ટ ઓપ્શન છે. બીજી તરફ, સીસી ક્રીમનું પૂરું નામ કલર કરેક્ટિંગ ક્રીમ છે. તેનો ઉપયોગ મુખ્યત્વે ચહેરા પરની લાલાશ, ડાર્ક સ્પોટ્સ અને અસમાન ત્વચાને છુપાવવા માટે થાય છે. તે બીબી ક્રીમ કરતાં થોડું વધારે કવરેજ આપે છે અને ચહેરાને એકદમ સ્મૂધ લુક આપે છે.
કઈ ક્રીમ ચહેરા પર વધારે સારું ફિનિશિંગ આપે છે?
બીબી અને સીસી બંને ક્રીમ ચહેરાને સુંદર ફિનિશિંગ આપે છે અને ડાઘ-ધબ્બા છુપાવવામાં મદદ કરે છે. પરંતુ જો વધુ સારા પરિણામની વાત કરીએ તો સીસી ક્રીમનું કવરેજ ઘણું વધારે હોય છે. આ જ કારણે સીસી ક્રીમ લગાવવાથી ચહેરાના કાળા કુંડાળા અને ડાઘ વધુ સારી રીતે હાઇડ કરી શકાય છે અને તેને લગાવ્યા બાદ ચહેરા પર મેટ અથવા સેટિન ફિનિશિંગ જોવા મળે છે. તેથી જો તમારી ત્વચા પર વધુ ડાઘ હોય, તો સીસી ક્રીમ તમારા માટે વધુ ફાયદાકારક સાબિત થઈ શકે છે.
તમારી ત્વચા પ્રમાણે કઈ ક્રીમ ખરીદવી રહેશે વધુ યોગ્ય?
તમે તમારી જરૂરિયાત અને સ્કીન ટાઈપ મુજબ આ બંનેમાંથી યોગ્ય ક્રીમની પસંદગી કરી શકો છો. જો તમને મેટ લુક અને વધુ કવરેજ જોઈતું હોય, તો સીસી ક્રીમ એક સારો વિકલ્પ છે. આ સિવાય ડ્રાય સ્કીન એટલે કે સૂકી ત્વચા ધરાવતા લોકો માટે પણ તે હાઇડ્રેશન આપવાનું કામ કરે છે. બીજી તરફ, જો તમને એકદમ ક્લીન અને નેચરલ મેકઅપ લુક પસંદ હોય અને તમારી ત્વચા ઓઇલી એટલે કે તૈલી હોય, તો તમારા માટે બીબી ક્રીમ ખરીદવી વધુ યોગ્ય રહેશે. યોગ્ય પસંદગી તમારી સ્કીન ટોનને આખો દિવસ ફ્રેશ રાખવામાં મદદ કરશે.
👉 આ સમાચાર વાચો:
Turmeric Ginger Water। હેલ્થનો પાવરહાઉસ જાણો સવારે ખાલી પેટે હળદર અને સૂંઠનું નવશેકું પાણી પીવાના ચમત્કારી ફાયદા
