News Continuous Bureau | Mumbai
Beauty Tips શું તમે તમારા રોજિંદા સ્કિન કેર રૂટિનમાં નાઇટ ક્રીમનો સમાવેશ કર્યો છે? જો ના, તો હવે શરૂ કરી દો. ધૂળ, પ્રદૂષણ, પોષણની ઉણપ અને વધતી ઉંમરના કારણે ત્વચા બેજાન થઈ જાય છે અને ચહેરા પર ફાઇન લાઇન્સ તથા ડાઘધબ્બા વધવા લાગે છે. આ સમસ્યાઓથી બચવા માટે લોકો બજારમાં મળતી મોંઘી બ્યુટી ક્રીમ પાછળ હજારો રૂપિયા ખર્ચી નાખે છે. આ બાબતે દેશના જાણીતા બ્યુટી એક્સપર્ટ એ જણાવ્યું છે કે, નાઇટ ક્રીમ એ ડે ક્રીમ કરતાં ક્યાંય વધુ અસરકારક સાબિત થાય છે. તે રાતોરાત ત્વચાને રિપેર કરીને કુદરતી ચમક પાછી લાવવામાં મદદ કરે છે. શહનાઝ હુસૈને કેમિકલ મુક્ત નાઇટ ક્રીમ ઘરે જ બનાવવાની કેટલીક અદભુત અને સરળ રીતો પણ સૂચવી છે.
Beauty Tips – રાત્રે જ કેમ સૌથી વધુ અસર કરે છે નાઇટ ક્રીમ? જાણો તેની પાછળનું વૈજ્ઞાનિક કારણ
બ્યુટી એક્સપર્ટ ના જણાવ્યા અનુસાર, રાતનો સમય ત્વચાના કોષોને રિપેર (Cell Repair) કરવા માટે સૌથી ઉત્તમ માનવામાં આવે છે. જ્યારે આપણે સૂતા હોઈએ છીએ ત્યારે આપણી ત્વચા સંપૂર્ણ આરામની સ્થિતિમાં હોય છે. આ સમયે ક્રીમ લગાવવાથી તેમાં રહેલા પોષક તત્વો ત્વચાના ઊંડા સ્તર સુધી સરળતાથી પહોંચી શકે છે. આ ઉપરાંત, રાત્રે આપણે પ્રદૂષણ અને સૂર્યના હાનિકારક કિરણોથી દૂર હોઈએ છીએ અને ચહેરા પર વારંવાર હાથ ન અડકતો હોવાથી ગંદકી જમા થતી નથી. નાઇટ ક્રીમ ત્વચામાં ભેજ જાળવી રાખવાની ક્ષમતા વધારે છે, જ્યારે ડે ક્રીમ માત્ર હાઇડ્રેશન અને સૂર્યથી બચાવવાનું કામ કરે છે.
Beauty Tips – તમારા સ્કિન ટાઇપ મુજબ ઘરે જ તૈયાર કરો આ ૫ અસરકારક નાઇટ ક્રીમ
બજારની મોંઘી પ્રોડક્ટ્સ વાપરવાના બદલે તમે તમારા ઘરના રસોડામાં રહેલી કુદરતી વસ્તુઓથી જ પાવરફુલ નાઇટ ક્રીમ બનાવી શકો છો:
ઓઇલી ત્વચા માટે: એલોવેરા જેલમાં લીંબુના રસના થોડા ટીપાં મિક્સ કરીને રાત્રે ચહેરા અને ગરદન પર લગાવો. તે ત્વચાના છિદ્રોને બંધ થતા અટકાવે છે.
ડ્રાય (રૂખી) ત્વચા માટે: એલોવેરા જેલમાં કોઈ પણ ફેસ ઓઇલ અથવા તો એક ચમચી ઓલિવ ઓઇલ અને બે ચમચી મિલ્ક પાવડર મિક્સ કરીને લગાવો.
એન્ટિ-એજિંગ નાઇટ ક્રીમ: બે ચમચી એલોવેરા જેલમાં વિટામિન E કેપ્સ્યુલ, બદામનું તેલ અને ગુલાબજળના થોડા ટીપાં ઉમેરો. આ ક્રીમ કરચલીઓ અને ફાઇન લાઇન્સ દૂર કરવા માટે બેસ્ટ છે.
ગ્લોઇંગ સ્કિન માટે: અડધો કપ નાળિયેર તેલમાં ૩ ચમચી મધ ઉમેરી તેને હલકું ગરમ કરો. ઠંડુ થયા પછી તેને રોજ રાત્રે લગાવો, જેનાથી ત્વચા સોફ્ટ અને ગ્લોઇંગ બનશે.
એવોકાડો અને ઈંડું: અડધા પાકા એવોકાડોની પેસ્ટ બનાવી તેમાં ઈંડું મિક્સ કરીને ચહેરા પર ગોળાકાર મસાજ કરો, આનાથી સ્કિન અત્યંત મુલાયમ બને છે.
Beauty Tips – નાઇટ ક્રીમ લગાવતી વખતે રાખો આ સાવચેતી, ગંદા ચહેરા પર લગાવવાથી થશે નુકસાન
નાઇટ ક્રીમના શ્રેષ્ઠ પરિણામો મેળવવા માટે તેનો સાચો ઉપયોગ કરવો પણ એટલો જ જરૂરી છે. રાત્રે સૂતા પહેલા ચહેરા પરથી મેકઅપને સંપૂર્ણપણે હટાવી લો અને ફેસવોશથી ચહેરો બરાબર સાફ કરી લો. જો તમે ગંદા ચહેરા પર અથવા મેકઅપની ઉપર જ નાઇટ ક્રીમ લગાવી દેશો, તો ચહેરા પર ખીલ, રૅશેસ અને એલર્જીની સમસ્યા થઈ શકે છે. આ સિવાય, કોઈ પણ નવી હોમમેઇડ નાઇટ ક્રીમ ચહેરા પર સીધી લગાવતા પહેલા તેને હથેળીની પાછળ ‘પેચ ટેસ્ટ’ (Patch Test) કરીને ચેક કરી લો. જો ક્રીમના ઉપયોગથી ત્વચામાં કોઈ બળતરા કે સમસ્યા થાય, તો તરત જ કોઈ સારા ત્વચાના રોગના નિષ્ણાત (Dermatologist) ની સલાહ લો.
👉 આ સમાચાર વાચો:
Fitness થાઈ ફેટથી છો પરેશાન? જીમ જવાની કોઈ જરૂર નથી, ઘરે જ આ ૬ સરળ એક્સરસાઇઝથી મેળવો સ્લિમ અને આકર્ષક સાથળ!
