News Continuous Bureau | Mumbai

DIY Chia Seed ચિયા સીડ્સ માત્ર સ્વાસ્થ્ય માટે જ નહીં, પણ સ્કીન કેર માટે પણ શ્રેષ્ઠ માનવામાં આવે છે. તે ત્વચામાં ભેજ જાળવી રાખે છે અને તેને હેલ્ધી બનાવે છે. તમે તમારી ડેઈલી સ્કીન કેર રૂટિનમાં આ જેલનો સમાવેશ કરીને પાર્લર જેવો નિખાર મેળવી શકો છો.આ માટે ૨ મોટી ચમચી ચિયા સીડ્સ,૧ કપ પાણી, ૧ નાની ચમચી (વૈકલ્પિક)એલોવેરા જેલ અને લેવેન્ડર અથવા ટી ટ્રી ઓઈલના થોડા ટીપાં (વૈકલ્પિક) જોઈશે.

જેલ બનાવવાની સ્ટેપ-બાય-સ્ટેપ રીત

ચિયા સીડ જેલ બનાવવું અત્યંત સરળ છે:
એક સાફ વાટકીમાં ૨ ચમચી ચિયા સીડ્સ લો અને તેમાં ૧ કપ પાણી ઉમેરો.
ચમચી વડે બરાબર હલાવો. ૧૦-૧૫ મિનિટમાં બીજ પાણી શોષી લેશે અને જેલ જેવું ઘટ્ટ થવા લાગશે.
આ મિશ્રણને અડધાથી એક કલાક માટે રહેવા દો. વચ્ચે-વચ્ચે હલાવતા રહો જેથી ગાંઠો ન પડે.
જો તમારે એકદમ સ્મૂધ જેલ જોઈતું હોય, તો તેને ગરણીથી ગાળી શકો છો (આ સ્ટેપ ફરજિયાત નથી).
હવે તેમાં એલોવેરા જેલ અથવા એસેશિયલ ઓઈલ ઉમેરી શકાય છે.
તૈયાર જેલને એરટાઈટ ડબ્બામાં ભરીને ફ્રીજમાં રાખો. તે અંદાજે ૧ અઠવાડિયા સુધી સારું રહી શકે છે.

આ સમાચાર પણ વાંચો: Mumbai Jewellery Firm Theft: મુંબઈ: અંધેરીની જ્વેલરી ફર્મમાં કર્મચારીઓએ જ કરી ₹14.75 લાખના સોનાની ચોરી; CCTV કેમેરા ને કારણે ભાંડો ફૂટ્યો, બેની ધરપકડ.

ચિયા સીડ જેલનો ઉપયોગ કેવી રીતે કરવો?

આ જેલનો ઉપયોગ તમે બે રીતે કરી શકો છો:
ફેસ માસ્ક તરીકે: ચહેરો બરાબર સાફ કર્યા પછી આ જેલનું જાડું પડ ચહેરા પર લગાવો. ૧૦-૧૫ મિનિટ રહેવા દો અને પછી નવશેકા પાણીથી ધોઈ લો. તેનાથી સ્કીન સોફ્ટ અને હાઈડ્રેટેડ થશે. અઠવાડિયામાં ૨-૩ વાર આ પ્રયોગ કરી શકાય છે.
આંખોની નીચે સોજો ઘટાડવા (Puffy Eyes): આંખોની નીચે થોડું જેલ લગાવી ૧૦ મિનિટ રહેવા દો. તેનાથી પફીનેસ ઓછી થશે અને આંખોનો ભાગ ફ્રેશ દેખાશે.
ડિસ્ક્લેમર: આ માહિતી માત્ર સામાન્ય જાણકારી માટે છે. સ્કીન કેર રૂટિનમાં કોઈ પણ મોટો ફેરફાર કરતા પહેલા અથવા જો તમારી સ્કીન સેન્સિટિવ હોય, તો નિષ્ણાતની સલાહ જરૂર લેવી