News Continuous Bureau | Mumbai
Glowing Skin Home Remedies 7 Days દરેક વ્યક્તિની ઈચ્છા હોય છે કે તેની ત્વચા હંમેશા સુંદર, સ્વસ્થ અને ચમકદાર રહે. પરંતુ આજની વ્યસ્ત લાઈફસ્ટાઈલ, ખરાબ આહાર અને પ્રદૂષણને કારણે સ્કિનનું ટેક્સચર બગડી જાય છે. મોંઘા બ્યુટી પ્રોડક્ટ્સ પાછળ પૈસા ખર્ચવાને બદલે જો તમે માત્ર ૭ દિવસ માટે કેટલાક ખાસ ઘરેલુ ઉપાયો અજમાવો, તો તમારી સ્કિન કુદરતી રીતે ગ્લો કરવા લાગશે. ત્વચાને સુંદર રાખવા માટે સૌથી મહત્વનું પગલું છે તેની યોગ્ય સફાઈ. દિવસમાં ઓછામાં ઓછું બે વાર હળવા ફેસવોશથી ચહેરો ધોવો જોઈએ. ખાસ કરીને રાત્રે સૂતા પહેલા ચહેરો સાફ કરવાની આદત સ્કિન ટેક્સચરને સુધારવામાં સૌથી વધુ મદદરૂપ થાય છે. આનાથી ત્વચામાં જમા થયેલી ગંદકી અને વધારાનું તેલ દૂર થાય છે.
નેચરલ સ્ક્રબથી ડેડ સ્કિન દૂર કરો
ત્વચા પર જમા થયેલા મૃત કોષો ને કારણે ચહેરો ડલ દેખાય છે. તેનાથી છુટકારો મેળવવા માટે ઘરે જ સ્ક્રબ તૈયાર કરો. એક ચમચી બેસનમાં થોડું દહીં અથવા ગુલાબજળ ભેળવી ઘટ્ટ પેસ્ટ બનાવો. તેને ચહેરા પર લગાવી હળવા હાથે મસાજ કરો. અઠવાડિયામાં ૨ થી ૩ વાર આ પ્રયોગ કરવાથી સ્કિનના પોર્સ સાફ થાય છે અને ત્વચા મુલાયમ બને છે.
ત્વચાને આપો કુદરતી પોષણ
ત્વચાને માત્ર બહારથી જ નહીં પણ અંદરથી પણ પોષણ મળવું જરૂરી છે. દરરોજ ચહેરા પર કાચું દૂધ, મધ અથવા એલોવેરા જેલ લગાવો અને ૧૦ મિનિટ રાખ્યા બાદ ધોઈ લો. આ કુદરતી તત્વો ત્વચાને હાઇડ્રેટેડ રાખે છે અને ટેક્સચરને સ્મૂધ બનાવે છે. આનાથી ચહેરા પરના ડાઘ-ધબ્બા પણ ધીમે ધીમે ઓછા થાય છે.
ડાયેટ અને સુરક્ષાનું રાખો ધ્યાન
ચમકદાર ત્વચા માટે દિવસમાં ૭ થી ૮ ગ્લાસ પાણી પીવું અનિવાર્ય છે. ખોરાકમાં ફળો, સલાડ અને લીલા શાકભાજીનો સમાવેશ કરો, જે શરીરમાંથી ઝેરી તત્વો (Toxins) બહાર કાઢવામાં મદદ કરે છે. આ ઉપરાંત, તડકામાં નીકળતી વખતે હંમેશા સનસ્ક્રીનનો ઉપયોગ કરો અથવા ચહેરાને દુપટ્ટાથી ઢાંકીને રાખો જેથી સૂર્યના કિરણોથી ત્વચાને નુકસાન ન થાય.
